Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Erte turmıs, erte nekeniń unamsız aqıbetleri" temasında ushırasıw bolıp ótti
2025 jıl 22-yanvar kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı «Veterinariya hám zooinjeneriya» fakultetinde student qızlar qatnasıwında "Erte turmıs, erte nekeniń unamsız aqıbetleri" temasında ushırasıw bolıp ótti. Fakultet dekanınıń jaslar menen islesiw boyınsha orınbasarı E.Seytmuratov ilájdı kiris sózi menen ashıp berdi. Ushırasıw dawamında óspirimler dispanseriniń shıpakeri B.Xalmuratova sózge shıǵıp, qatnasıwshılarǵa erte nekeniń jaslar turmısına bolǵan tásiri, psixologiyalıq jáne sociallıq máseleler, sonıń menen birge, Ózbekstandaǵı bul boyınsha qabıl etilgen normativ huqıqıy hújjetler haqqında keń maǵlıwmat berdi. Ushırasıwda qatnasqan qánigeler, erte nekeniń tek jas qızlar ushın emes, bálkim, jámiyet ushın da unamsız aqıbetlerge alıp keliwi múmkinligin aytıp ótti. Erte turmıs jaslardıń tálim alıw, professional rawajlanıw jáne sociallıq iskerlikke tayarlanıw múmkinshiliklerin sheklewge sebep bolıwı múmkin. Bul bolsa jaslardıń ǵárezsiz turmıs qurıw hám shańaraqqa tiyisli qararlar qabıllawda qábiletlerin azaytadı. Filial psixologı M.Allamuratova erte nekeniń jas hayalar ushın psixologiyalıq tárepten unamsız tásirlerin aytıp berdi.
Fizikalıq hám psixo-emosionallıq rawajlanıwdıń keshigiwi, shańaraqqa tiyisli máselelerge, yaǵnıy bir-birin túsiniw, ásirese hayaldıń sociallıq roline tásir kórsetedi. Bul jas hayallardıń perzentke bolǵan múnásibetine de unamsız tásir kórsetiwi múmkin. Student qızlarǵa Ózbekstanda hayallar hám er adamlar ushın neke jası nızam menen 18 jas dep belgilengenligi maǵlıwmat sıpatında aytıp ótildi.
Sonıń menen birge, ushırasıwda atap ótilgtn basqa zárúrli noqatlardan biri, erte turmıstıń shańaraqqa tiyisli mashqalalarǵa alıp keliwi. Erte nekede qızlardıń jas shańaraq qurıw jáne onıń juwapkershiligin túsiniw dárejesi de tómen boladı, bul bolsa shańaraqtaǵı stress hám mashqalalardı arttıradı. Jaslar, arnawlı psixologiyalıq járdem alıwdı talap etiwshi jaǵdaylarǵa júz tutıwı múmkin.
Sonıń menen birge, jas hayallar hám er adamlardıń shańaraqlıq turmısqa tayarlıǵın arttırıw, olarǵa turmısqa tiyisli bilimler beriw áhmiyetli ekenligi aytıp ótildi. Bunda, anıq tárbiya usılları hám bilimlendiriw ilájlar úlken áhmiyetke iye boladı. Student-qızlarda jaslar arasında erte nekeniń unamsız aqıbetleri haqqında anıq hám tolıq túsinikler payda boldı. Sonıń menen dekan orınbasarı tárepinen qızlarǵa filialdaǵı tártip-intizam haqqında da túsinikler berip ótildi. Qánigeler, jaslarǵa turmısqa tiyisli aǵartıwshılıq baǵdarlamaları hám treningler alıp barıw, olardı erte turmıstıń sociallıq, psixologiyalıq hám salamatlıqqa bolǵan tásirlerinen xabardar etiwge shaqır1dı. Sonıń menen birge, shańaraqqa baylanıslı qıyınshılıqlardıń aldın alıw hám olarǵa múnásibetlerdi jaqsılaw ushın tiyisli qánigeler hám joqarı oqıw orınlarınıń birgelikte jumıs alıp barıwın jáne de kúsheytiw zárúrligi atap ótildi.
Ushırasıw, student qızlardıń erte turmıstıń unamsız aqıbetleri haqqındaǵı bilimlerin arttırıw olarǵa keleshekte shańaraqlıq turmıstıń tabıslı hám turaqlı bolıwı ushın kerekli kónlikpelerdi usınıw maqsetinde shólkemlestirildi. Jaslarǵa keń maǵlıwmat beriw hám olardı shańaraqlıq turmısqa tayarlaw ushın turaqlı túrde aǵartıwshılıq ilájlardı alıp barıw hámde nızamlar, sociallıq siyasatlar arqalı jaslardıń huqıqları hám múmkinshiliklerin qorǵaw zárúrli áhmiyetke iye.
Sonıń menen birge, ushırasıwda atap ótilgtn basqa zárúrli noqatlardan biri, erte turmıstıń shańaraqqa tiyisli mashqalalarǵa alıp keliwi. Erte nekede qızlardıń jas shańaraq qurıw jáne onıń juwapkershiligin túsiniw dárejesi de tómen boladı, bul bolsa shańaraqtaǵı stress hám mashqalalardı arttıradı. Jaslar, arnawlı psixologiyalıq járdem alıwdı talap etiwshi jaǵdaylarǵa júz tutıwı múmkin.
Sonıń menen birge, jas hayallar hám er adamlardıń shańaraqlıq turmısqa tayarlıǵın arttırıw, olarǵa turmısqa tiyisli bilimler beriw áhmiyetli ekenligi aytıp ótildi. Bunda, anıq tárbiya usılları hám bilimlendiriw ilájlar úlken áhmiyetke iye boladı. Student-qızlarda jaslar arasında erte nekeniń unamsız aqıbetleri haqqında anıq hám tolıq túsinikler payda boldı. Sonıń menen dekan orınbasarı tárepinen qızlarǵa filialdaǵı tártip-intizam haqqında da túsinikler berip ótildi. Qánigeler, jaslarǵa turmısqa tiyisli aǵartıwshılıq baǵdarlamaları hám treningler alıp barıw, olardı erte turmıstıń sociallıq, psixologiyalıq hám salamatlıqqa bolǵan tásirlerinen xabardar etiwge shaqır1dı. Sonıń menen birge, shańaraqqa baylanıslı qıyınshılıqlardıń aldın alıw hám olarǵa múnásibetlerdi jaqsılaw ushın tiyisli qánigeler hám joqarı oqıw orınlarınıń birgelikte jumıs alıp barıwın jáne de kúsheytiw zárúrligi atap ótildi.
Ushırasıw, student qızlardıń erte turmıstıń unamsız aqıbetleri haqqındaǵı bilimlerin arttırıw olarǵa keleshekte shańaraqlıq turmıstıń tabıslı hám turaqlı bolıwı ushın kerekli kónlikpelerdi usınıw maqsetinde shólkemlestirildi. Jaslarǵa keń maǵlıwmat beriw hám olardı shańaraqlıq turmısqa tayarlaw ushın turaqlı túrde aǵartıwshılıq ilájlardı alıp barıw hámde nızamlar, sociallıq siyasatlar arqalı jaslardıń huqıqları hám múmkinshiliklerin qorǵaw zárúrli áhmiyetke iye.
Málimeme xızmeti
