Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Girbińsiz insannıń qutlı 60 jası múnásip belgilendi
Búgin filial májilisler zalında «Ekonomika hám gumanitar pánler» kafedrası baslıǵı, Ekonomika ilimleri kandidatı, Xodjalepesov Polat Zinatdinovich qutlı 60 jasqa tolıwı múnásibeti menen saltanatlı ilaj ótkerildi. Ilajdı filial direktorı Adilbay Esimbetov ashıp berip, qádirli xızmetkerdi qutlıqlap, oǵan tereń húrmet hám izzet penen óz tileklerin bildirdi.
—Bul insannıń páklik hám kishipeyillik penen suwǵarılǵan qálbi, jas bala sıyaqlı girbińsizligi, adamgershiligi, mudamı adamlarǵa járdemin ayanbawı, jaqsılıǵı sıyaqlı aǵlı pazıyletleri bizlerde úlken húrmet oyatadı. Onıń kózlerinde mudamı miyir-saqawat, girbińsizlik hám insanıylıq sáwlelenedi. Sizdi shın júrekten qádirleymiz hám mánzilińizge eń iygilikli tileklerimizdi jollaymız —dedi A.Esimbetov.
Bunnan soń, Berdaq atındaǵı Qaraqalpaq mámleketlik universiteti hám Ájiniyaz atındaǵı Nókis mámleketlik pedagogikalıq institutınan kelgen qádirli miymanlar, professorler hám fakultet dekanları sózge shıǵıp, Polat Zinatdinovich Xodjalepesovti qutlıqladı. QMU rektorı, akademik Reymov Axmed Mambetkarimovichtiń qutlıqlawı da oqıp esittirildi.
Filial jámááti de sózge shıǵıp, óziniń iygilikli tilekleri hám húrmetin bildirdi. Sózge shıqqan hár bir insan onıń girbińsizligi, aǵla pazıyletleri, pozitivligi hám de professional baǵdardaǵı jetiskenliklerin ayrıqsha atap ótti.
Ilájdıń tiykarǵı bóliminde Polat Zinatdinovich Xodjalepesovqa filial jámááti, «Ekonomika hám gumanitar pánler» kafedrası hám kafedranıń student-jasları tárepinen sıy-sawǵalar tapsırıldı. Tuwılǵan kún iyesi sózge shıǵıp, búgin júdá quwanıshqa bólengenin atap ótip, hámmege sheksiz minnetdarshılıq bildirdi. Napaqa jasın qarsı alıp atırǵan Polat aǵamızǵa bekkem den sawlıq, shańaraǵıńızǵa qut-bereket hám jumıslarıńızda talmas tabıslar tileymiz.
—Bul insannıń páklik hám kishipeyillik penen suwǵarılǵan qálbi, jas bala sıyaqlı girbińsizligi, adamgershiligi, mudamı adamlarǵa járdemin ayanbawı, jaqsılıǵı sıyaqlı aǵlı pazıyletleri bizlerde úlken húrmet oyatadı. Onıń kózlerinde mudamı miyir-saqawat, girbińsizlik hám insanıylıq sáwlelenedi. Sizdi shın júrekten qádirleymiz hám mánzilińizge eń iygilikli tileklerimizdi jollaymız —dedi A.Esimbetov.
Bunnan soń, Berdaq atındaǵı Qaraqalpaq mámleketlik universiteti hám Ájiniyaz atındaǵı Nókis mámleketlik pedagogikalıq institutınan kelgen qádirli miymanlar, professorler hám fakultet dekanları sózge shıǵıp, Polat Zinatdinovich Xodjalepesovti qutlıqladı. QMU rektorı, akademik Reymov Axmed Mambetkarimovichtiń qutlıqlawı da oqıp esittirildi.
Filial jámááti de sózge shıǵıp, óziniń iygilikli tilekleri hám húrmetin bildirdi. Sózge shıqqan hár bir insan onıń girbińsizligi, aǵla pazıyletleri, pozitivligi hám de professional baǵdardaǵı jetiskenliklerin ayrıqsha atap ótti.
Ilájdıń tiykarǵı bóliminde Polat Zinatdinovich Xodjalepesovqa filial jámááti, «Ekonomika hám gumanitar pánler» kafedrası hám kafedranıń student-jasları tárepinen sıy-sawǵalar tapsırıldı. Tuwılǵan kún iyesi sózge shıǵıp, búgin júdá quwanıshqa bólengenin atap ótip, hámmege sheksiz minnetdarshılıq bildirdi. Napaqa jasın qarsı alıp atırǵan Polat aǵamızǵa bekkem den sawlıq, shańaraǵıńızǵa qut-bereket hám jumıslarıńızda talmas tabıslar tileymiz.
Málimleme xızmeti
