Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentler qısqı dem alıs dáwirin zawıqlı ótkeriwi júzesinen dawıslı chat ótkerildi
Bárshemizge belgili, respublikamızdaǵı barlıq JOO studentleri usı jıldıń 25-dekabr sánesinen baslap, qısqı dem alısqa shıqtı. Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında hár jılı qısqı dem alıs dáwirinde online tańlawlardı ótkeriw úrdiske aylanǵan. Usı úrdiske muwapıq, filialda bilim alıp atırǵan student-jaslardıń qısqı dem alıs kúnlerin mazmunlı hám maqsetli shólkemlestiriw, bos waqıtlarında paydalı jumıslar menen shuǵıllanıwı ushın imkan jaratıp beriw hámde jańa jıl bayramın zawıqlı ótkeriwine úles qosıw maqsetinde túrli online tańlawlardı ótkeriw rejelestirildi. Búgin ruwxıylıq hám aǵartıwshılıq xanasında usı tema boyınsha filialdıń rásmiy telegram kanalında dawıslı chat shólkemlestirildi. Onda Jaslar menen islesiw, ruwxıylıq hám aǵartıwshılıq bólimi baslıǵı B.Palwaniyazov, Málimleme xızmeti baslıǵı Z.Xojamuratova, Jaslar awqamı baslanǵısh jetekshisi B.Xojabergenov, «Ekonomika hám gumanitar pánler» kafedrası ingliz tili oqıtıwshısı D.Matkarimova hámde tyutorlar qatnastı.
Online tárizde shólkemlestirilgen dawıslı chat dawamında tańlawlarǵa 27-dekabrden baslap start beriliwi, qanday jónelislerde hám qanday talaplar tiykarında ótkerilip atırǵanlıǵı haqqında tiyisli juwapkeler tárepinen tolıq túsinikler berip ótildi. Tańlaw jeńimpazları qısqı dem alıstan kelgeninen soń diplom hám estelik sawǵaları menen sıylıqlanıwı ayrıqsha atap ótildi. Dawıslı chatta qatnasqan student-jaslaro óz pikirlerin bildirip ótti hám ózlerin qızıqtırǵan sorawlarǵa juwap aldı. Gózlengen eń tiykarǵı maqset student-jaslardıń dem alıs kúnlerinen únemli paydalanıwı ushın sharayat jaratıw hám bos waqıtların mazmunlı ótkeriwin támiyinlewge úles qosıwdan ibarat.
Málimleme xızmeti
