Yangi yil munosabati bilan direktor tabrigi
31 дек 2024
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Student qızlar “Tumaris izbasarları” tańlawında bellesti
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında “Tumaris izbasarları” tańlawı ótkerildi.
Bul tańlaw, student-qızlarda insanıy aǵla pazıyletlerdi qáliplestiriw, olardıń jámiyet aldındaǵı juwapkershilikti seziniwi, milliy hám ulıwma dúnyalıq qádiriyatlarǵa húrmet, watanǵa muhabbattı arttırıw, sonıń menen birge, olar arasında intellektuallıq belsendelikti rawajlandırıw maqsetinde shólkemlestirildi. Tańlawda qızlar tek ózleriniń intellektuallıq potencialların ǵana emes, bálkim fizikalıq imkaniyatların da kórsetti. Jarısta “Sakura”, “Tumaris” hám “Everest” sıyaqlı komandalar óz-ara bellesti. Qatnasıwshılar arqan tartıw, armrestling hám skakalkada sekiriw sıyaqlı sınaqlarda bellesip, ózleriniń shıdamlılıǵı, shaqqanlıǵı hám sheberligin kórsetti. Tańlawdıń maqseti tek ǵana jeńimpazdı anıqlaw emes, bálkim, student-qızlarǵa watanǵa muhabbat, milliy qádiriyatlardı húrmet qılıw hám óz ornın tabıwǵa járdem beriw bolıp tabıladı. Bul ilájda qatnasqan barlıq komandalar ózleriniń joqarı intellektuallıq hám fizikalıq potencialların kórsetiwge tırıstı. Hayal-qızlar máseleleri boyınsha direktor máslahátshisi Z.Dawletova hám dekan máslahátshisi N.Seytovanıń atap ótiwlerinshe, bunday jarıslar qızlardı jámiyette belsendilikke úndew, olardı ǵárezsiz oylawǵa, komanda menen islesiwge hám óz maqsetlerine erisiwde qatańlıqqa úyretedi. Bul tańlawda jeńimpaz qatnasıwshılar múnásip sıylıqlanadı. Usınday tańlawlar student-qızlardıń qızıǵıwshılıqların hám talpınıwların qollap-quwatlap jáne de rawajlandırıwǵa xizmet etedi.Tańlawda qatnasqan barlıq qatnasıwshılarǵa tabıslar tileymiz hám keleshekte bunday ilájlarda jáne de joqarı nátiyjeler kórsetiwlerine isenim bildiremiz.
