SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Xalıq aralıq korrupciyaǵa qarsı gúresiw kúni" múnásibeti menen “Ashıq esikler kúni” ilájı ótkerildi

Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında "Xalıq aralıq korrupciyaǵa qarsı gúresiw kúni" múnásibeti menen “Ashıq esikler kúni” ilájı ótkerildi Ilájdıń maqseti - jaslardıń korrupciyaǵa qarsı kózqarasın qáliplestiriw hám olardı usı áhmiyetli másele boyınsha xabardar etiwden ibarat boldı. Ilájdı filialdıń oqıw isleri boyınsha direktor orınbasarı Q.Atanazarov ashıp berdi. Sonıń menen birge, Qaraqalpaqstan Respublikası Joqarı bilimlendiriw, ilim hám innovaciyalar ministrligi aymaqlıq basqarması Korrupciyaǵa qarsı gúresiw “Komplaens-qadaǵalaw” sistemasın basqarıw bólimi baslıǵı M.Kaliev, Málimleme xızmeti basshısı Z.Xojamuratova, filial profilaktika inspektorı, Kapitan Q.Qayıpnazarov hám korrupciyaǵa qarsı gúresiw “Komplaens qadaǵalaw” sistemasın basqarıw bólimi bas qánigesi T.Smaylov sózge shıqtı.

Olar óz shıǵıp sóylewinde korrupciyaǵa qarsı gúresiwdiń áhmiyetin, korrupciyanıń bilimlendiriw tarawındaǵı unamsız tásirin jáne onıń en jayıwınıń aldın alıw ushın jaslardıń huqıqıy sawatlılıǵın arttırıwdıń áhmiyetin atap ótti. Sonıń menen birge, korrupciyaǵa qarsı gúresiwde hár bir shaxstıń juwapkershiligin hám minnetin kórsetip, studentlerdiń huqıqıy hám etikalıq qádiriyatlarına tiykarlanǵan jaslar háreketin xoshametlew zárúr ekenligin ayttı. T.Smaylov, óz gezeginde, korrupciyaǵa qarsı gúresiwde “Komplaens qadaǵalaw” sistemasınıń áhmiyetin aytıp, bul baǵdardaǵı islerdiń natiyjeliligin asırıw ushın bilimlendiriw mákemeleri hám mámleketlik shólkemleri arasındaǵı birge islesiwdi bekkemlew talap etiliwin aytıp ótti. Ol korrupciyaǵa qarsı gúresiwde jaslar iskerligin úyreniw hám olardı bul baǵdarda qollap-quwatlaw kerek ekenligin de túsindirdi. Filialda alıp barılıp atırǵan profilaktika jumısları hám korrupciyaǵa qarsı gúresiwge qaratılǵan ilájlardıń áhmiyetine dıqqat awdarıldı. Ol jaslar arasında korrupciyaǵa qarsı ruwxıy hám huqıqıy túsiniklerdi úgit-násiyat qılıw, sonıń menen birge, olardı óz huqıqların qorǵawǵa shaqırıw áhmiyetli ekenligin da aytıp ótti.
Iláj sheńberinde filialda "Xalıq aralıq korrupciyaǵa qarsı gúresiw kúni" múnásibeti menen «Antikoruppciya hápteligi» sheńberinde ótkerilgen bir qatar iláj hám tańlawlar jeńimpazların saltanatlı sıylıqlaw máresimi ótkerildi. Atap aytqanda, “Korrupciyasız joqarı oqıw ornı” temasındaǵı “Eń jaqsı videorolikler tańlawı”, “Jaslar korrupciyaǵa yaq deydi” temasındaǵı “Eń jaqsı súwretler tańlawı”, “Korrupciyasız taraw” temasındaǵı “Eń jaqsı shıǵarmalar tańlawı”, «Antikoruppciya bilimdanı» temasında bilimler bellesiwi hám «Antikoruppciya bilimdanı» temasındaǵı «Zakovat» intellektuallıq oyınlarında komanda menen hám jeke tárizde belsene qatnasıp, sıylı orınlardı iyelegenlerge diplom hám qımbat bahalı sawǵalar tapsırıldı. Ilájdıń ótkeriliwi studentlerdiń korrupciyaǵa qarsı gúresiw boyınsha bilim hám sergekligin arrtırıwǵa, sonıń menen birge, jaslardıń dóretiwshilik iskerligin xoshametlewge xızmet etedi. Usı sıyaqlı ilájlar jaslar arasında áhmiyetli kónlikpelerdi qáliplestiriw hám jas áwladtı korrupciyaǵa qarsı ruwxıy jaqtan qorǵawdıń áhmiyetli quralı bolıp tabıladı.