SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jas sharwalar qoyan násilleri haqqında ámeliy bilimlerge iye boldı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı «Zooinjeneriya» kafedrası tárepinen «Jas sharwa» dógeregi aǵzaları ushın "Ózbekstan Respublikasında órshitilip atırǵan qoyan násilleri" temasında sabaq shınıǵıwları shólkemlestirildi. Bul sabaq shınıǵıwları arqalı studentlerge qoyanshılıqtıń áhmiyeti, sonıń menen birge, mámleketimizde azıqlandırılıp atırǵan qoyan násilleri haqqında keń túsinikler berildi.
Sabaqtı kafedra assistenti Q.Sarsenbayev alıp bardı. Sabaq dawamında qoyanshılıq tarawı Ózbekstanda áhmiyetli tarmaqlardan biri bolıp, xalıq ushın jaqsı dáramat alıp keletuǵın derek bolıp xızmet etiwi atap ótildi. Qoyanlar tez kóbeyetuǵın, azıqlandırıw hám baǵıwda artıqsha qarjı talap etpeytuǵın hám jaqsı dáramat beretuǵın haywanlardan biri bolıp esaplanadı.

Sonıń menen birge, olardı baǵıwdıń nátiyjeliligi hám ekonomikalıq áhmiyeti haqqında maǵlıwmatlar berildi. Studentlerge ıqlımımızǵa iykemlesken qoyan násilleri haqqında da bahalı maǵlıwmatlar berildi. Sonıń menen birge, sabaqta ámeliy kórgizbe shólkemlestirildi. Studentlerge qoyanlardıń hár qıylı parodaları hám olardı baǵıw proscesi kórsetildi, bul bolsa student-jaslardıń ilimiy hám ámeliy bilimlerin arttırıwǵa xızmet etti.
Sabaq dawamında belsene qatnasqan studentler arnawlı húrmet jarlıqları menen sıylıqlandı. Bul studentlerdiń umtılıw hám belsendeligin jáne de qollap-quwatlawǵa hám olardı qoyanshılıq tarawındaǵı keleshektegi iskerligine ilhám beriwge xızmet etedi. Usı iláj jaslardıń qoyanshılıqqa bolǵan qızıǵıwshılıǵın arttırıw, olarǵa bul tarawdaǵı zárúrli maǵlıwmatlardı beriw hám olardıń bilimlerin ámeliyatqa engiziwge baǵdarlanǵan.