SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ámeliy tájiriybeler arqalı studentlerdiń kásiplik kónlikpeleri qáliplespekte

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı “Veterinariya medicinası hám farmakologiyası" kafedrasınıń assistent-oqıtıwshıları A.Ruziyev, hám F.Muxtarov 4-kurs 404 hám 405-topar studentleri qatnasıwında Qaraqalpaqstan Respublikası Nókis qalasında Milliy gvardiyaǵa qaraslı jılqıshılıq fermasında ámeliy shınıǵıwlar alıp bardı.
Iri shaqlı mallar ortopediyası hám oftolmologiyası páninen ótkerilgen ámeliy sabaq dawamında studentler, iri shaqlı mallardıń tuyaqların tazalaw hám qırqıw, taq tuyaqlı haywanlardı taǵalaw boyınsha óz kónlikpelerin qáliplestirildi. Bul shınıǵıwlar processinde studentler veterinariya medicinası ámeliyatına tiyisli zárúr kónlikpelerdi iyelep, óz kásiplik tájiriybelerin arttırdı. Iri shaqlı mallar hám atlar menen jumıs islewde tuyaq salamatlıǵı hám oǵan tiyisli mashqalalardı anıqlawda veterinariya qánigeleriniń roli áhmiyetli ekenligi túsindirildi.

Shınıǵıwlar tek ǵana studentlerge ámeliy tájiriybe alıw imkanın berip qoymay, bálkim olardıń veterinariya medicinasına bolǵan qızıǵıwshılıǵın arttırdı. Usı sıyaqlı ámeliy shınıǵıwlar studentler ushın keleshektegi kásiplik xızmetinde zárúr bilim hám kónlikpelerdi rawajlandırıwda áhmiyetli orın tutadı. Iri shaqlı mallar hám atlardı baǵıwda, olardıń salamatlıǵın saqlawda veterinar qánigeleriniń tájiriybesi hám bilimleri júdá úlken áhmiyetke iye. Ótkerilgen shınıǵıwlar, studentler ushın jańa bilimlerdi ózlestiriw hám veterinariya tarawında ámeliy tájiriybe arttırıwdıń áhmiyetli bir bólegi boldı. Bul bolsa olardıń keleshekte veterinariya tarawında jemisli miynet kórsetiwi ushın bekkem fundament bolıp xızmet etedi.