Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Sportshı qızımızdıń náwbettegi jeńisi: Jáhán chempionatında 3-orındı qolǵa kirgizdi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń Veterinariya-sanitariya ekspertizası qánigeliginiń 4-kursında bilim alıp atırǵan Serimbetova Kamilabanu Tenelbaevna usı jıldıń 2-3-noyabr kúnleri aralıǵında Tashkent qalasında bolıp ótken Ózbek jawıngerlik óneri sport túri boyınsha hayallar arasındaǵı bellesiwlerde 60 kg salmaqta qatnasıp, Jáhán chempionatında 3-orındı qolǵa kirgizdi. Bul jeńis Kamilabanudıń sport tarawındaǵı náwbettegi tabısı desek asıra aytqan bolmaymız.
Óytkeni, studentimiz usı kúnge shekem sporttıń bul túrinen Qazaqstan Respublikası Shımkent qalasında bolıp ótken Aziya chempionatında 3-orındı iyelep bronza medalın qolǵa kirgizgen bolsa, 2023-jılı bolıp ótken Aziya kubogında sıylı 1-orındı qolǵa kirgizip, altın medal iyesine aylanǵan edi.
Qaharmanımız usınday úlken jetiskenlikleri ushın filial basshılları tárepinen eki márte minnetdarshılıq hám qarjılay sıylıqlandı. Álbette, onıń sportqa bolǵan qızıǵıwshlıǵı hám umtılıwı óziniń unamlı nátiyjesin kórsetip, izbe-iz qolǵa kirgizip atırǵan jeńisleri ózine jáne kúsh hám ilhám baǵıshlaydı dep oylaymız. Filial jámááti Kamilabanudı erisken tabısı menen shın kewilden qutlıqlaydı hám onıń keleshekte sport tarawı boyınsha jáne de joqarı nátiyjelerge erisiwin tilep qaladı. Sportshı studentimizdiń bul jetiskenligi onıń sport tarawındaǵı keleshekke bolǵan ǵayratın jáne de arttırıp, úlken maqsetlerge qaray batıl qádemler menen barıwı ushın motivaciya boladı dep oylaymız.
Málimleme xızmeti
