SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ijara úylerdegi ısıtıw sistemalarınıń jaǵdayı úyrenilmekte

Áyne kúnlerde elimiz boylap gúz-qıs máwsimine tayarlıq jumısları qızǵın pátte alıp barılmaqta. Aldın xabar bergenimizdey, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń isshi topar wákilleri tárepinen ijara úylerde jasaytuǵın studentlerdiń jaǵdayınan xabar alınıp, ısıtıw sistemalarınıń jaǵdayı úyrenilmekte. Topar basshılları hám tyutorlar bul máselege juwapkershilik penen jantasqan halda studentler ijarada jasap atırǵan úylerde bolıp, ısıtıw sistemaları normada islep turǵanlıǵın kózden ótkermekte.

—Hár birimiz studentler menen sáwbetlesiw alıp barıp, olarǵa ısıtıw sistemasınıń normada islewin turaqlı túrde baqlap barıw áhmiyetli ekenligi, bul máselege biyparıq bolmaw kerek ekenligi boyınsha keń túsinikler berip barıp atırmız. Hár bir úydegi ısıtıw sistemalarınıń jaǵdayı puqta úyrenilmekte, sonıń menen birge olardıń ata-anaları menen baylanısıp, bul jaǵday boyınsha maǵlıwmatlar menen tanıstırıp barıp atırmız— deydi tyutor J.Mambetniyazov. Úyreniwler dawamında student-jaslarǵa ısıtıw sistemasınıń turaqlı túrde islep turıwın baqlap barıwı, gaz hám energiya resurslarınan aqılǵa muwapıq paydalanıwı boyınsha usınıslar berildi.