Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jáhán banki wákilleri paydalı usınıslardı bildirdi
Búgin Jáhán banki wákilleri awıl xojalıǵınıń úlken ekonomisti Pierre Gerber, banktiń konsultantı Preslava Nenova hámde sharwashılıq boyınsha qánigesi Alban Bellingues
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında
ámeliy sapar menen boldı. Dáslep, olar filial direktorı A.Esimbetov penen ushırasıp, ashıq sáwbetlesiw alıp bardı. Sóylesiwler dawamında Qaraqalpaqstan Respublikasında awıl xojalıǵı hám sharwashılıq tarawındaǵı bar bolǵan mashqalalardı úyreniw hám saplastırıw, aymaqta iri joybarlardı ámelge asırıw arqalı tarawdı jáne de rawajlandırıwǵa úles qosıw, filial menen veterinariya hám sharwashılıqtı rawajlanıdıw tarawında birge islesiwdi jolǵa qoyıw hám tereńlestiriw sıyaqlı áhmiyetli máseleler dodalandı.
Filial direktorı bank wákillerine filialdaǵı bar bolǵan múmkinshilikler hám ámelge asırılıp atırǵan ilimiy joybarlar, qolǵa kirgizilgen tabıslar haqqında maǵlıwmatlardı berip ótti. Sáwbetlesiw dawamında taraw boyınsha filial tárepinen islep shıǵılǵan joybarlardı bank tárepinen qarjılandırıw sıyaqlı áhmiyetli usınıslar ilgeri súrildi. Bunnan soń Jáhán bankiniń wákilleri tárepinen filial májilisler zalında seminar shólkemlestirildi. Seminarǵa filial professor-oqıtıwshıları, ilimiy bólim xızmetkerleri, rayonlardaǵı fermer xojalıqlardıń baslıqları hám veterinariya bólimi xızmetkerleri qatnastı. Qánigeler seminar qatnasıwshılarına bank tárepinen Qaraqalpaqstan Respublikasında veterinariya hám sharwashılıq tarawın rawajlanıdırıwǵa salmaqlı úles qosıw maqsetinde jámi 5 million AQSh dolları muǵdarında grant qarjıları ajıratılıwı kózde tutılǵanlıǵı, atap aytqanda, respublikadaǵı fermer xojalıqlarındaǵı sharwa malların identifikaciyadan ótkeriw ushın 3 mln 282 mıń danadan aslam birkalar menen támiyinlew boyınsha bank tárepinen ámeliy járdem kórsetiliwi, iri shaqlı qaramal embrionların transplantaciya qılıw ushın zamanagóy laboratoriya úskeneleri alıp kelinip, ámeliyatqa keń en jaydırıw rejelestirilgenligi, sonıń menen birge veterinariya hám sharwashılıq komitetine zárúr texnikalardı jetkizip beriwde ámeliy járdem kórsetiw boyınsha statistikalıq maǵlıwmatlar berildi. Filial xızmetkerleri, fermer xojalıq basshılarına tarawdı rawajlandırıw boyınsha iri joybarlardı islep shıǵıwda áyne nelerge dıqqat awdarıw kerek ekenligi, processlerdi basqıshpa-basqısh ámelge asırıw hám paydalı joybarlardı ameliyatqa engiziw boyınsha áhmiyetli usınıslar berip ótildi.
— Qaraqalpaqstan Respublikasında veterinariya hám sharwashılıq tarawın rawajlandırıw ushın imkaniyatlar jetkilikli dárejede. Bankimiz mine usılardı inabatqa alıp, taraw wákilleri menen sheriklikte paydalı joybarlardı ámelge asırıp, unamlı nátiyjelerge erisiwdi maqset etip alǵan. Bizler iygilikli maqset penen birlesip, úlken jumıslardı ámelge asırıwımız hámde xalıqtı arzan hám sapalı awıl xojalıǵı ónimleri menen támiyinlewge úles qosıwımız múmkin —deydi Jáhán bankiniń awıl xojalıǵı úlken ekonomisti Pierre Gerbe. Sonıń menen birge seminar dawamında búgingi kúndegi ıqlım ózgeriwine qarsı qanday sharalardı kóriw kerek ekenligi, sharwa ónimlerin jetistiriwde tábiyatımızǵa zıyan keltirmew sıyaqlı paydalı usınıslar berip ótildi. Tarawǵa tiyisli áhmiyetli máseleler dodalanıp, kóplegen paydalı uısınıslar bildirildi.
— Qaraqalpaqstan Respublikasında veterinariya hám sharwashılıq tarawın rawajlandırıw ushın imkaniyatlar jetkilikli dárejede. Bankimiz mine usılardı inabatqa alıp, taraw wákilleri menen sheriklikte paydalı joybarlardı ámelge asırıp, unamlı nátiyjelerge erisiwdi maqset etip alǵan. Bizler iygilikli maqset penen birlesip, úlken jumıslardı ámelge asırıwımız hámde xalıqtı arzan hám sapalı awıl xojalıǵı ónimleri menen támiyinlewge úles qosıwımız múmkin —deydi Jáhán bankiniń awıl xojalıǵı úlken ekonomisti Pierre Gerbe. Sonıń menen birge seminar dawamında búgingi kúndegi ıqlım ózgeriwine qarsı qanday sharalardı kóriw kerek ekenligi, sharwa ónimlerin jetistiriwde tábiyatımızǵa zıyan keltirmew sıyaqlı paydalı usınıslar berip ótildi. Tarawǵa tiyisli áhmiyetli máseleler dodalanıp, kóplegen paydalı uısınıslar bildirildi.
Málimleme xızmeti
