SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Mizdaxqan tariyxıy kompleksine sayaxat shólkemlestirildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı «Veterinariya hám zooinjeneriya» fakultetiniń 4-kurs 402-topar student-jasları Xojeli qalasındaǵı Mizdaxqan tariyxıy kompleksine sayaxat qıldı. Fakultettiń dekan orınbasarı E.Seytmuratov hám topar basshısı N.Dawletbaevlar basshılıǵındaǵı bul sayaxat “Babalar esteligi yadımızda” temasında shólkemlestirildi.

Studentlerdi mádeniy miyras obektleri menen jaqınnan tanısıtırıw, olardıń tariyxıy esteliklerimizge bolǵan húrmetin jáne de arttırıw, onnan qalaberse, mádeniy dem alıwları ushın qolay shárt-sharayatlardı jaratıw maqsetinde Xojeli qalası boylap shólkemlestirilgen sayaxat dawamında Mizdaxqan tariyxıy kompleksiniń tariyxı, estelikleri haqqında qızıqlı maǵlıwmatlar berip ótildi. Sayaxatshılar arasında ataqlı bolǵan bul komplekstiń ózine tán bay tariyxı, ańız hám ráwayatları studentlerde ózgeshe qızıǵıwshılıq oyattı. Student-jaslar Shamun-Nabi maqbarası hám Xalifa Rajab” maqbaraları haqqında maǵlıwmatlarǵa iye boldı.

Sayaxat dawamında olar komplekstiń dıqqatqa ılayıq orınları menen tanısıp, anıq tásirlerge iye boldı. Student-jaslardı tariyxıy hám mádeniy miyraslarımızdı úyreniwge qızıqtırıw hám olardı milliy mádeniyatımızǵa sadıq qılıp tárbiyalawda usı sıyaqlı sayaxtalar áhmiyetli bolıp tabıladı. Sayaxat júdá zawıqlı bolıp ótiwi menen birge studentler unamlı tásirlerge iye boldı.