SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Dógerek aǵzaları «Qusshılıq - jeti ǵáziyneniń biri» temasında túsiniklerge iye boldı

Jańa oqıw jılı baslanǵanına da derlik 3 hápte bolıp qaldı. Student-jaslardı oqıw processlerine iykemlestiriw, olardıń bilim hám kónlikpelerin bekkemlep barıw maqsetinde kafedralar tárepinen hár túrli dógerekler iskerligi jolǵa qoyılmaqta. Atap aytqanda, «Zooinjeneriya» kafedrasınıń «Jas sharwa» dógereginde «Qusshılıq - jeti ǵáziyneniń biri» temasında studentlerge keń túsinikler berildi. Jámi 50 studentti qamtıp alǵan dógerek dawamında tema boyınsha tolıq túsinikler berildi.

Awıl xojalıǵı tarawında qusshılıq jetekshi tarmaqlardan biri bolıp sanalıwı, xalqımız tilinde qusshılıq jeti ǵáziyneniń biri dep atalıwı, áyne kúnlerde elimizde usı tarawǵa ayrıqsha itibar qaratılıp atırǵanlıǵı tuwralı sóz etildi.

Dógerek iskerligin turaqlı túrde júritip barıwdan gózlengen tiykarǵı maqset bolajaq jas qánigelerdi jetik kadr sıpatında tayarlaw, olardıń mamanlıǵın arttırıp barıw hámde usı arqalı kásip sheberligin qáliplestirip barıwdan ibarat. Qusshılıq - jeti ǵáziyneniń biri» temasında shólkemlestirilgen dógerek dawamında student-jaslar bahalı maǵlıwmatlarǵa iye boldı.