SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Aziya rawajlanıw bankiniń xalıqaralıq konsultantları qatnasıwında seminar ótkerildi

Usı jıldıń 17-sentyabr kúni Ózbekstan Sawda-sanaat palatası Qaraqalpaqstan Respublikası basqarmasınıń imaratında Aziya rawajlanıw bankiniń xalıqaralıq konsultantları hám jergilikli jumısshı topar wákilleri tárepinen sharwashılıq tarawın rawajlandırıwǵa baǵıshlanǵan seminar bolıp ótti. Usı seminarda Qaraqalpaqstan Respublikası Veterinariya hám sharwashılıqtı rawajlandırıw komitetiniń basshıları, komitettiń rayonlardaǵı bólim xızmetkerleri, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń basshıları hám professor-oqıtıwshıları, fermer xojalıqları hám taraw wákileri qatnastı.

Seminar dawamında bayanatshılar tárepinen awıl xojalıǵı hám veterinariya hám sharwashılıq tarawın rawajlandırıw hámde jumıs sapasın arttırıwǵa járdem beretuǵın innovaciyalıq joybarlardı ámeliyatqa engiziw boyınsha kónlikpeler berildi. Iqlım ózgeriwi sharayatında sharwashılıq, jaylaw hám veterinariya tarawlarında xalıqtıń xabardarlıǵın arttırıw hám jetekshi tájiriybelerdi engiziw boyınsha hámde taraw qánigelerin jaylaw resurslarınan aqılǵa muwapıq paydalanıw hám basqarıw, ıqlım ózgeriwi sharayatında sharўashılıq ushın azıq bazasın bekkemlew boyınsha paydalı usınıslar berip ótildi. Aziya rawajlanıw banki menen sheriklikte sharўashılıq taraw boyınsha joybarlardı ámelge asırıw boyınsha usınıslar ilgeri súrildi. Tarawǵa tiyisli áhmiyetli temalar dodalandı. Seminarda filial oqıtıwshısı R.Aytjanov «Mayda shaqlı hayўanlardı jasalma tuqımlandırıwdıń jańa innovaciyalıq usılları» temasında bayanat jasadı. Shólkemlestirilgen seminar dawamında qatnasıwshılar tolıq maǵlıwmatlarǵa iye boldı.