SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

STJnda jasap atırǵan jaslar menen sáwbetlesiw alıp barıldı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentler turaq jayında jasap atırǵan jaslar menen sáwbetlesiw alıp barıldı. Profilaktika inspektorı, kapitan Q.Qayıpnazarov hám pedagog-tárbiyashı B.Xojametov tárepinen studentlerge jataqxanadaǵı tártip-intizam tolıq túsindirilip, usı tártip-qaǵıydalarǵa juwapkershilik penen jantasıw zárúr ekenligi atap ótildi.

Studentler turaq jayında jasap atırǵan hár bir student birinshi náwbette tazalıq hám azadalıqqa boysınıwı kerek ekenligi, qorshaǵan ortalıqtıń tazalıǵına da itibarlı bolıp, shıǵındılar menen toltırıw múmkin emes ekenligi túsindirildi.

Alıp barılǵan ashıq sáwbetlesiw dawamında jataqxanadaǵı hár bir qabatqa sárdarlar tayınlanıp, olarǵa óz wazıypaları nelerden ibarat ekenligi boyınsha kónlikpeler berildi. Sáwbetlesiw dawamında student-jaslardıń pikirleri tıńlanıp, usınısları úyrenildi. Sáwbetlesiw dawamında jataqxanada studentlerdiń bos waqıtların mazmunlı shólkemlestirip barıw maqsetinde túrli ilájlar ótkeriliwi rejege kirgizilgenligi ayrıqsha atap ótildi. Studentlerge jaratılǵan qolay imkaniyatlardan únemli paydalanıp, juwapkershilikti seziniwi másláhát etildi.