Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Sapalı bilim alıwǵa umtılǵan jaslar—rawajlanıwımızdıń fundamenti
Mámleketimizde jaslardı joqarı bilimlendiriw menen qamtıp alıwǵa hám bilimlendiriw sistemasında sapanı jáne de arttırıwǵa ayrıqsha itibar qaratılıp kelinbekte. Sanlarǵa júzlenetuǵın bolsaq, keyingi jeti jılda joqarı bilimlendiriwde qamtıp alıw dárejesi 9 payızdan 42 payızǵa shekem asırılıp, joqarı oqıw orınlarınıń sanı da artıp barmaqta. Bilimlendiriw tarawın turaqlı túrde reforma qılıp barıw óz ornında tereń bilimge iye zamanagóy kadrlar jetilisip shıǵıw nátiyjeliligin arttıradı. Mámleketimiz tárepinen jaratıp berilip atırǵan imkaniyatlar bilim alıwǵa qumar jaslardı maqsetleri tárepke qaray jeteleydi. 2024/2025-oqıw jılında 186 871 abiturient bakalavriat bilimlendiriw baǵdarlarına studentlikke usınıs etilgen bolsa, sonnan 41 153i mámleketlik grantı, 145 718i bolsa tólemli-kontrakt tiykarında oqıwǵa qabıllandı.
Jańa oqıw jılı baslanıwı menen 1-kursqa qabıllanǵan student-jaslar úlken tásirleniw hám sezimlerge bólenip oqıw dárgayına birinshi márte qádem qoyıp jańa arzıw-úmitler quradı. Shın kewilden umtılıp, student degen atqa sazawar bola alǵan jaslardıń, ásirese kiriw imtixanlarında eń joqarı ball toplap, mámleketlik grant tiykarında studentlikke usınıs etilgen jaslardıń tásirleri hám tolqınlanıwı bir dúnya bolıwı biykarǵa emes. 2024-2025-oqıw jılında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialına mámleketlik
grant tiykarında oqıwǵa usınıs etilgen mine usınday baxıtlı jaslar ózleriniń shadlıǵı hám tolqınlanıw sezimleri menen ortaqlastı:
— Joqarı oqıw ornında bilim alıp atırǵan studentler qatarına qosılıw men sıyaqlı hár bir jastıń eń ullı maqsetlerinen biri bolsa kerek dep oylayman, usı jılı iygilikli maqsetime erisip student boldım — deydi Veterinariya sanitariya ekspertizası qánigeliginiń 1-kurs studenti Gulinur Rahimbayeva– ata-anam hám men Xorezm wálayatınan Nókiske kelip bilim alıwımdı niyet etken edik. Shúkirler bolsın arzıwım ámelge astı. Ázelden qaraqalpaq qádirdanlarımızdıń turmıs tárizi hám úrp-ádetlerine qızıǵıwshılıǵım bálent edi, endi bul jerde bilim alıw menen birge olar menen jaqınnan tanısıp barıw imkanı payda boldı.
— Eń joqarı ball toplap, student bolǵanım birinshi náwbette ata-anamdı júdá quwanıshqa bóledi.— deydi Zooinjeneriya qánigeliginiń 1-kurs studenti Miyirbek Jańabayev — ullı shayırımız I.Yusupov dúnyaǵa kelgen Shımbay rayonınan bolaman. Maǵan inám etilgen ájayip múmkinshilikten baxıtqa bólendim, qunt penen bilim alıwǵa bar kúshim menen tırısaman.
— Suw bioresursları hám akvakultura qánigeligine mámleketlik grant tiykarında studentlikke qabıllandım.— deydi usı qánigeliktiń 1-kurs studenti Sara Bazarbayeva— Húrmetli Prezidentimizdiń joqarı bilimlendiriw tarawın bunnan bılayda reformalaw baǵdarında ilgeri súrilip atırǵan iygilikli baslamaları Joqarı oqıw ornında bilim alıwdı arzıw etken jaslarǵa jáne de motivaciya baǵıshlaydı.
Sonıń menen birge, Zooinjeneriya qánigeligine birinshi mámleketlik grantı tiykarında studentlikke usınıs etilgen Barno Muhammetdinova hámde Veterinariya sanitariya ekspertizası qánigeliginiń 1-kurs studenti Manzura Reyimbayevalar ǵárezsiz jurttıń baxıtlı studentleri qatarınan orın alǵanı ushın júdá quwanǵanı, jaslarǵa mámleketimiz tárepinen jaratıp berilip atırǵan bir qatar imkaniyatlar olardı jáne de ruwxlandırıp, keleshekte ózleri bilim alǵan tarawdıń rawajlanıwı ushın óz úlesin qosıwǵa háreket qılıwın atap ótti.
Ullı bayramımız– Ózbekstan Respublikası ǵárezsizliginiń otız úsh jıllıq áyyamı qarsańında shańaraq aǵzaları hám ózine qos quwanısh baǵıshlap, student bolıw baxıtına miyassar bolǵan jaslardıń unamlı pikirleri hám tásirleri bizdi de tolqınlandırdı. Kózlerinde ǵayratı sáwlelenip turǵan bul jaslar jaqın keleshekte respublikamızda veterinariya hám sharwashılıq tarawı rawajlanıwında ózleriniń salmaqlı úlesin qosadı dep isenim bildiremiz.
grant tiykarında oqıwǵa usınıs etilgen mine usınday baxıtlı jaslar ózleriniń shadlıǵı hám tolqınlanıw sezimleri menen ortaqlastı:
— Joqarı oqıw ornında bilim alıp atırǵan studentler qatarına qosılıw men sıyaqlı hár bir jastıń eń ullı maqsetlerinen biri bolsa kerek dep oylayman, usı jılı iygilikli maqsetime erisip student boldım — deydi Veterinariya sanitariya ekspertizası qánigeliginiń 1-kurs studenti Gulinur Rahimbayeva– ata-anam hám men Xorezm wálayatınan Nókiske kelip bilim alıwımdı niyet etken edik. Shúkirler bolsın arzıwım ámelge astı. Ázelden qaraqalpaq qádirdanlarımızdıń turmıs tárizi hám úrp-ádetlerine qızıǵıwshılıǵım bálent edi, endi bul jerde bilim alıw menen birge olar menen jaqınnan tanısıp barıw imkanı payda boldı.
— Eń joqarı ball toplap, student bolǵanım birinshi náwbette ata-anamdı júdá quwanıshqa bóledi.— deydi Zooinjeneriya qánigeliginiń 1-kurs studenti Miyirbek Jańabayev — ullı shayırımız I.Yusupov dúnyaǵa kelgen Shımbay rayonınan bolaman. Maǵan inám etilgen ájayip múmkinshilikten baxıtqa bólendim, qunt penen bilim alıwǵa bar kúshim menen tırısaman.
— Suw bioresursları hám akvakultura qánigeligine mámleketlik grant tiykarında studentlikke qabıllandım.— deydi usı qánigeliktiń 1-kurs studenti Sara Bazarbayeva— Húrmetli Prezidentimizdiń joqarı bilimlendiriw tarawın bunnan bılayda reformalaw baǵdarında ilgeri súrilip atırǵan iygilikli baslamaları Joqarı oqıw ornında bilim alıwdı arzıw etken jaslarǵa jáne de motivaciya baǵıshlaydı.
Sonıń menen birge, Zooinjeneriya qánigeligine birinshi mámleketlik grantı tiykarında studentlikke usınıs etilgen Barno Muhammetdinova hámde Veterinariya sanitariya ekspertizası qánigeliginiń 1-kurs studenti Manzura Reyimbayevalar ǵárezsiz jurttıń baxıtlı studentleri qatarınan orın alǵanı ushın júdá quwanǵanı, jaslarǵa mámleketimiz tárepinen jaratıp berilip atırǵan bir qatar imkaniyatlar olardı jáne de ruwxlandırıp, keleshekte ózleri bilim alǵan tarawdıń rawajlanıwı ushın óz úlesin qosıwǵa háreket qılıwın atap ótti.
Ullı bayramımız– Ózbekstan Respublikası ǵárezsizliginiń otız úsh jıllıq áyyamı qarsańında shańaraq aǵzaları hám ózine qos quwanısh baǵıshlap, student bolıw baxıtına miyassar bolǵan jaslardıń unamlı pikirleri hám tásirleri bizdi de tolqınlandırdı. Kózlerinde ǵayratı sáwlelenip turǵan bul jaslar jaqın keleshekte respublikamızda veterinariya hám sharwashılıq tarawı rawajlanıwında ózleriniń salmaqlı úlesin qosadı dep isenim bildiremiz.
Málimleme xızmeti
