SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerge jańa oqıw jılı Ǵárezsizlik sabaqları menen baslandı

Búgin mámleketimizdegi barlıq Joqarı oqıw orınları student-jaslardı jáne óz qushaǵına aldı. Jańa oqıw jılı hárdayım «Ǵárezsizlik sabaǵı» menen baslanıwı úrdiske aylanǵan. Usı orında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında ǵárezsizlik sabaqları shólkemlestirildi. Filial direktorı, professor A.Esimbetov, direktor orınbasarları hám professor-oqıtıwshılar tárepinen zamanagóy auditoriyalarda student-jaslarǵa ǵárezsizlik sabaǵı shólkemlestirildi.

Sabaqlar dawamında studentlerge ǵárezsiz elimizdiń tariyxı, sol dáwirlerdegi ámelge asırılǵan iygilikli jumıslar hámde qolǵa kirgizilgen tabıslar tuwralı tolıq sóz etildi. Elimizde ǵárezsizlik epkini gezip júrgen pursatlarda hámmemiz janajan Oatanımızdı jáne de kóbirek qádirlewimiz, mehir-muhabbat hám shúkirshilik sezimlerin jáne de tereńirek túsinip jetiwimiz zárúr ekenligi ayrıqsha atap ótildi. Student-jaslarımızǵa mámleketimizde usı qısqa dáwir ishinde ámelge asırılǵan keń kólemli reformalar hámde túrli tarawlarda atap aytqanda, joqarı bilimlendiriw tarawında erisilgen tabıslar haqqında aytıp berildi. Professor-oqıtıwshılar ǵárezsizlik bizge inám etken eń ullı inám ekenligi haqqında tolqınlanı sóz etti.

Studentlerge hámme arzıw etetuǵın búgingi párawan turmısımızǵa shúkirshilik etip, ǵárezsizlik bizge, xalqımızǵa bergen erkinlikti qádirlewimiz zárúr ekenligi túsindirildi. Sonıń menen birge keyingi jıllarda jaslardı joqarı bilimlendiriw tarawına keń qamtıp alıw boyınsha ámelge asırılıp atırǵan jumıslarǵa ayrıqsha toqtalıp ótti. Student-jaslar alıp barılıp atırǵan sabaqlar dawamında tolqınlanıp, ózleriniń jıllı pikirlerin bildirdi. Ǵárezsizlik sabaqları arqalı student-jaslar sanasına erisken úlken shıńlarımız hám tabıslarımızdıń mazmunı, ǵárezsizlik ullı inám ekenligi sińdirildi. Sabaqlar dawamında ǵárezsizliktiń qádiri hám mazmunı, xalqımız táǵdirindegi áhmiyfeti haqqında tolıq túsinikler berildi.