SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jańa oqıw jılına tayarlıq processi úyrenildi

Áyne kúnlerde respublikamızdaǵı barlıq joqarı oqıw orınlarında 2024-2025 -oqıw jılına tayarlıq jumısları qızǵın túrde alıp barılmaqta. Ózbekstan Respublikası Joqarı bilimlendiriw, ilim hám innovaciyalar Ministrligi janındaǵı Ilim-pán jámiyetshilik Keńesi aǵzaları tárepinen JOOlarında usı process boyınsha úyreniw jumısları alıp barıldı.

Atap aytqanda, isshi topar aǵzaları O.Eshimbetov hám B.Otambetovlar Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında bolıp, bul jerdegi jańa oqıw jılına tayarlıq processi, student jaslardı jataqxana hám ijara úyler menen támiyinlew boyınsha alıp barılıp atırǵan jumıslar menen jaqınnan tanıstı. Tanısıw barısında filialdıń oqıw binası, auditoriyalar, loboratoriyalardıń jańa oqıw jılına tayarlıq processi úyrenildi.

Úyreniw barasında filialda joqarıda atap ótilgen másele boyınsha puqta tayarlıq jumısları alıp barılǵanlıǵı atap ótildi. Usı orında atap ótsek boladı, oqıw binası student-jaslardı qarsı alıwǵa tolıq túrde tayar hám bul óz ornında olarǵa da unamlı keypiyat baǵıshlaydı. Sanawlı kúnlerden keyin oqıw dárgayına ózleriniń dáslepki qádemin taslaytuǵın studentler barlıq qolaylıqlarga iye bolǵan auditoriyalarda bilim alıwı ushın tiyisli jumsılar alıp barılmaqta.