SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jańa oqıw jılına tayarlıq hám ámelge asırılatuǵın jumıslar boyınsha ushırasıw ótkerildi

Samarqand mámleketlik veterinariya medicinası, sharwashılıq hám biotexnologiyalar universitetinde rektor, professor Y.Xudaynazar basshılıǵında jańa oqıw jılına tayarlıq hám keleshkte ámelge asırılatuǵın jumıslar boyınsha ushırasıw shólkemlestirildi. Onda universitet hám onıń filialları, texnikum hámde akademiyalıq licey jámááti qatnastı.

Ashıq sáwbetlesiw online hám offline tárizde alıp barıldı. Universitet rektorı, professor Xudaynazar Yunusov ushırasıwdı ashıp berip, barlıq qatnasıwshılardı Ózbekstan Respublikası Ǵárezsizliginiń 33 jıllıq bayramı hámde jańa oqıw jılı menen qutlıqladı hámde tiykarǵı máselelerge toqtaldı. Ushırasıw dawamında dáslep erisilgen tabıslar hám jol qoyılǵan kemshilikler atap ótilip, universitet hám onıń filiallarında jańa oqıw jılına tayarlıq processi, keleshekte ámelge asırılatuǵın jumıslar boyınsha tiyisli juwapkerlerdiń esabatı tıńlandı.

Student-jaslardı jataqxana hám ijara úyler menen támiyinlewge ayrıqsha itibar qaratılıp, usı máselege juwapkershilik penen kirisiw boyınsha tapsırmalar berildi. Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń professor-oqıtıwshıları hám xızmetkerler usı ushırasıwda online tárizde qatnastı. Filial direktorı A.Esimbetov sózge shıǵıp, tiyisli máseleler boyınsha bayanat jasadı. Alıp barılǵan ashıq sáwbetlesiwde tiyisli máseleler dodalanıp, zárúr tapsırmalar berildi.