SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Texnikum jańa oqıw jılında oqıwshılardı óz qushaǵına qarsı aldı

Búginnen baslap mámleketimizdegi bilimlendiriw mákemelerinde (JOOlarınan tısqarı) jańa oqıw jılı baslandı. Atap aytqanda, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı janındaǵı Nókis veterinariya medicinası texnikumı da jańa oqıw jılına tayar halatta oqıwshılardı óz qushaǵına qarsı aldı. “Biz bir bolsaq – bir xalıqpız, birlessek – Watanbız!” súreni astında ótkerilgen iláj basında Ózbekstan hám Qaraqalpaqstan Respublikalarınıń mámleketlik gimnleri jańladı.

Texnikum direktori o.w.a Rashid Elmuratov ilájdı kiris sózi menen ashıp, jaqında xalqımız tárepinen úlken quwanısh penen belgilengen Ózbekstan Respublikası Ǵárezsizliginiń 33 jıllıq bayramı hámde jańa oqıw jılı menen hámmeni shın kewilden qutlıqladı. Ilájda Ózbekstan Respublikası veterinariya hám sharwashılıqtı rawajlandırıw komitetiniń Pán hám bilimlendiriw tarawın rawajlandırıw basqarması baslıǵınıń orınbasarı, veterinariya ilimleri doktorı, professor S.Mavlonov, Qaraqalpaqstan Respublikası Joqarı bilimlendiriw, ilim hám innovaciyalar Ministrliginiń jetekshi qánigesi S.Niyetullaev, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı A.Esimbetovlar sózge shıǵıp búgin rawajlanıwǵa qaray jedel adımlap baratırǵan bir waqıtta jaslardıń jetik bilim alıwı eń áhmiyetli wazıypa sıpatında ileri súrilip, olardı bilimli, tárbiyalı, zamanagóy dúnyaqarasqa iye insan etip tárbiyalaw úlken áhmiyetke iye ekenligi, búgingi kúnde bul boyınsha alıp barılıp atırǵan keń kólemli jumıslarǵa toqtaldı. Iláj óz juwmaǵına jetkennen soń texnikum oqıwshılarına birinshi oqıw kúni «Ǵárezsizlik sabaǵı» menen baslandı.

Atap aytqanda, Ózbekstan Respublikası veterinariya hám sharwashılıqtı rawajlandırıw komitetiniń Pán hám bilimlendiriw tarawın rawajlandırıw basqarmasınıń baslıǵınıń orınbasarı, veterinariya ilimleri doktorı, professor S.Mavlonov oqıwshı jaslarǵa ǵárezsizlik túsinigi ne ekenligi, ótken jıllar dawamında erisilgen úlken jetiskenlikler hám mashaqatlar, párawan turmısqa erisiw jolında xızmet qılǵan zıyalı babalarımız, búgingi úlken ózgerisler, jaslardıń hár bir tarawda qolǵa kirgizip atırǵan úlken tabısları tuwralı sóz etti. Sabaq dawamında oqıwshı jaslar ǵárezsizlik eń ullı inám ekenligin jáne bir márte tereń túsinip, ózine tán motivaciya aldı.