SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qutlı 60 jastı qarsı alıp atırǵan nuranıyǵa húrmet kórsetildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında bas audit lawazımında miynet etip kiyatırǵan Izbanov Shukirali Reimbaevichtıń tebberik 60 jasqa tolıwı múnásibeti menen qutlıqlaw keshesi bolıp ótti. Pútkil filil jámááti májilisler zalına toplanıp, tuwılǵan kún iyesine húrmet kórsetti.

Filial direktorı Adilbay Esimbetov sózge shıǵıp, Sh.Izbanovtı qutlı 60 jası menen shın kewilden qutlıqlap, iygilikli tileklerin bildirip ótti. Sonıń menen birge, qaharmanımızdıń óz jumısına bolǵan juwapkershiligi, miynetkesh ekenligin ayrıqsha atap ótti. Bunnan soń filial jámááti tuwılǵan kún iyesiniń mánziline eń iygilikli oǵan uzaq ómir tiledi. Iláj juwmaǵında Sh.Izbanovqa filial kásiplik awqamı hám jámááti atınan sawǵalar tapsırıldı.

Qutlı 60 jastı qarsı alıp atırǵan nuranıy kásiplesimiz ózine kórsetilgen bunday húrmet hám izzetten shadlıqqa bólenip, filial basshılları hám jámáátine minnetdarshılıq bilirdirip ótti. Qolların duwaǵa ashıp, aspanımız ashıq, elimiz tınısh bolıwın niyet etti. Insan qádiri ulıǵlanǵan mine usınday elde nuranıy atalarımızǵa quwanısh úlesiw hámmemizdiń qálbimizde jaqsılıq sezimlerin oyattı. Sh.Izbanovqa uzaq ómir tileymiz!