SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jańa joybarlar ústinde jumıs alıp barıw boyınsha ózara birge islesiw memorandumı imzalandı

Usı jıldıń 8-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialına Qorshaǵan ortalıq hám tábiyattı qorǵaw texnologiyaları ilimiy-izertlew institutınıń wákilleri keldi. Miymanlar filial basshılları menen ushırasıp, sáwbetlesiw alıp bardı. Filial direktorı A.Esimbetov hám ilimiy-izertlew institutınıń ilmiy xızmetkerleri R.Madrimov hámde A.Urinovalar ortasında alıp barılǵan óz-ara sáwbetlesiw dawamında doslıq múnásibetlerin ornatıw, ilim-pán hám bilimlendiriw tarawında sheriklik qılıw hám sol arqalı ilimiy potencialdı jáne de asırıw, birgelikte ilimiy joybarlar ústinde jumıs alıp barıw boyınsha áhmiyetli usınıslar ilgeri súrildi.

Sonıń menen birge qorshaǵan ortalıqtı qorǵaw tarawında innovaciyalıq ideyalar tiykarında ilimiy-izertlew jumısların alıp barıw, Aralboyı regionında ekologiyalıq turaqlılıqtı támiyinlewge qaratılǵan joybarlardı birgelikte islep shıǵıw hám ámelge asırıw, usı aymaqlarda hayўanlar ushın azıqlıq ósimliklerdi jetistiriw boyınsha pikir hám usınısların bildirdi. Alıp barılǵan sáwbetlesiw dawamında Qorshaǵan ortalıq hám tábiyattı qorǵaw texnologiyaları ilimiy-izertlew institutı hám Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı ortasında óz-ara birge islesiw memorandumı imzalandı.

Kelgen miymanlar tárepinen óz-ara sherikliktiń jónelisleri tiykarınan ekologiya hám qorshaǵan ortalıqtı qorǵaw tarawında ilimiy-izertlew jumısların alıp barıw, filialdıń ilimiy bólimi hám kafedraları menen jaqınnan birge islesiw baylanısların ornatıp, nátiyjeli jumıslardı jolǵa qoyıw, professor-oqıtıwshılar hám ziyrek student-jaslardı da tartıw ekenligi ayrıqsha atap ótildi. Hár eki tárep ózleriniń pikir hám usınısların bildirdi.