Yangi yutuqlar va yangi umidlarga qadam – kafedrada yangi yil kechasi
24 дек 2024
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Juwmaqlawshı mámleketlik attestaciya imtixanların tapsırıw processi óz juwmaǵına jetti
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında usı jıldıń 19-iyun kúninen baslap pitkeriwshi kurs studentleriniń mámleketlik attestaciya imtixanların tapsırıw hámde pitkeriw qánigelik jumısların qorǵaw processi baslanǵan edi.
“Veterinariya hám zooinjeneriya” fakultetiniń «Veterinariya medicinası» hám «Zooinjeneriya» qánigeliginiń pitkeriwshi kurs studentleri 10 kún dawamında qánigelik pánlerinen attestatsiya sınaqların tapsırdı hám pitkeriw qánigelik jumısların tabıslı qorǵadı. Prcessler ádalatlı, qalıs hám ashıq tárizde ótiwin támiyinlewge ayrıqsha itibar qaratıldı. Bunda Korrupciyaǵa qarsı gúresiw “komplaens baqlaw” sistemasın basqarıw bólimi hámde komissiyasi aǵzaları bul processlerdi dıqqat penen baqlaw astında alıp bardı. Sonıń menen birge, ashıq-aydınlıqtıń ayqın mısalı sıpatında imtixan tapsırıw processiniń hár bir kúni filialdıń rásmiy Youtube platforması arqalı janlı tárizde efirge uzatılıp barıldı. Student-jaslar imtixan tapsırıp 4 jıl dawamında ózlestirgen bilimlerin sınaqtan ótkergen bolsa, pitkeriw qánigelik jumısların qorǵaw processine puqta tayarlıq kórip, tańlaǵan temalarına ayrıqsha dıqqat awdardı.
Diplom jumısları joqarı ball menen bahalandı. Bıyılǵı jılda filialdı 5 bilimlendiriw baǵdarı boyınsha jámi 359 student tamamlaydı. Sonnan, 88 i Zooinjeneriya (túrler boyınsha ) qánigeligi boyınsha, 55 si veterinariya laboratoriyası hám diagnostika isi qánigeligi boyınsha, 216 student bolsa veterinariya medicinası qánigeligi boyınsha bilim aldı. 19-iyun kúninen baslanǵan pitkeriwshi kurs studentleriniń mámleketlik attestaciya imtixanların tapsırıw hámde pitkeriw qánigelik jumısların qorǵaw processi 29-iyunda óz juwmaǵına jetti. Óz ornında barlıq pitkeriwshilerdi imtixanlardı tabıslı tapsırıp alǵanlıǵı hám bakalavr basqıshın juwmaqlap atırǵanı menen shın kewilden qutlıqlap, keleshekte olarǵa áwmet hám iygilikler joldas bolıwın tileymiz.
Málimleme xızmeti
