SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Zooinjeneriya qánigeligi studentleriniń pitkeriw qánigelik jumısların qorǵadı

Usı jıldıń 27-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında náwbettegi itkeriw qánigelik jumısların qorǵaw procsesi bolıp ótti. Atap aytqanda, “Veterinariya hám zooinjeneriya” fakulteti zooinjeneriya qánigeliginiń 6 pitkeriwshi studenti 4 jıl dawamında ózlestirgen bilimlerine súyenip, tańlaǵan temaları boyınsha diplom jumısın qorǵadı.

Fakultet dekanı A.Kaniyazov hámde komissiya aǵzaları pitkeriwshilerdi shın kewilden qutlıqlap, keleshekte olarǵa bálent párwazlar tiledi. Kúni keshe Veterinariya medicinası qánigeliginde bilim alıp alǵan 6 student pitkeriw qánigelik jumısların tabıslı qorǵadı. Komissiya aǵzaları tárepinen itkeriw qánigelik jumısları jaqsı bahalandı. Álbette, bul prusatlar filial tariyxında ájayip máwritler sıpatında mórlenip qalatuǵın, sonıń menen birge filial professor-oqıtıwshıları ushın da tolqınlanıwlarǵa bay demler bolıp esaplanadı. Búgin pitkeriwshiler ózleri tańlaǵan áhmiyetli temalar boyınsha diplom jumısın qorǵadı. Bul bolajaq qánigelerimizden úmitimiz úlken.

Olar keleshekte filial professor-oqıtıwshıları tárepinen berilgen bilim hám iye bolǵan kónlikpelerin aqlap, óz tarawınıń rawajlanıwında múnásip úlesin qosa alıwına úlken isenim bildiremiz. Maǵlıwmat ornında, usı jılı zooinjeneriya qánigeligi boyınsha jámi 88 student oqıwdı tamamlaydı. Sonnan 82 student juwmaqlawshı mámleketlik attestaciya imtixanların tapsırǵan bolsa, 6 student pitkeriw qánigelik jumısların qorǵadı.