SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Fakultet birinshiligi»nde kimler jeńimpaz boldı?

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Veterinariya hám zooinjeneriya» fakulteti student-jasları arasında badminton sport túri boyınsha «Fakultet birinshiligi» ótkerildi. Iláj basında fakultet dekanı A.Kaniyazov shıǵıp sóylep, búgingi kúnde jaslar arasında sporttı bunnan bılayda ǵalabalastırıw, olar arasında salamat turmıs tárizin engiziw baǵdarında alıp barılıp atırǵan sistemalı jumıslarǵa toqtalıp, shólkemlestirilip atırǵan usı jarıstıń áhmiyetine sholıw jasap ótti hám jarıs qatnasıwshılarına áwmet tiledi.

Bunnan soń oyınǵa start berildi. Jarıs qatnasıwshıları óz áwmetin sınap kórdi. Fakultettiń usı sport túrine qızıǵıwshılıǵı joqarı bolǵan qız-jigitleri óz qarsılasları menen bellesti. Oyın qızǵın tús aldı. Studentler doslıq hám awızbirshilikte iláj atmosferasın jarata aldı.
Tómende jarıs jeńimpazları menen tanısıń:
Er jigitler arasında:
1 — 2-kurs 209-topar studenti A.Jumabaev,
2 — 2-kurs 202-topar studenti A.Xalmurzaev,
3 — 1-kurs 101-topar studenti A.Bazarbaev.
Qızlar arasında:
1 — 1-kurs 101-topar studenti T.Kdirniyazova,
2 — 4-kurs 404-topar studenti N.Shamuratova,
3 — 2-kurs 202-topar studenti G.Saparniyazova.
Jeńimpazlardı fakultet dekanı A.Kaniyazov qutlıqlap, diplom hám estelik sawǵaların tapsırdı. —Student-jaslardı salamat turmıs tárizine tartıw, olardı fizikalıq belsendilikke shaqırıwda usı sıyaqlı sport ilájlarınıń áhmiyeti úlken —deydi A.Kaniyazov.