Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Suwǵa shógip ketiw menen baylanıslı jaǵdaylardıń aldın alıwǵa baǵıshlanǵan iláj ótkerildi
Usı jıldıń 11-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında suw háwizlerine shógip ketiw menen baylanıslı jaǵdaylardıń aldın alıwǵa baǵıshlanǵan iláj ótkerildi. Usı ilájda Nókis qalalıq Ayrıqsha jaǵdaylar bólimi qánigesi, kapitan J.Turaev, Ayrıqsha jaǵdaylar basqarması Radiacion, ximiyalıq hám biologiyalıq qorǵanıwdı shólkemlestiriw bólimi inspektorı A.Qarlıbayev, filial basshılları hám student-jaslar qatnastı. Iláj basında filial direktorı A.Esimbetov sózge shıǵıp, jas pasılı kirip keliwi menen suw háwizlerinde shomılıw máwsimi baslanıwı, ásirese jaslar bul boyınsha shólkemlestiriwshilikti qolǵa alıwın aytıp, student-jaslardı shomılıw qaǵıydalarına qatań túrde ámel etiwge shaqırıp qaldı.
Bunnan soń qánigeler sózge shıǵıp, shógip ketiw menen baylanıslı bolǵan jaǵdaylardıń aldın alıw, usı hádiyse kóbinese qanday jaǵdaylarda júz beriwi, onıń aldın alıwda nelerge áhmiyet qaratıw kerek ekenligi boyınsha tolıq túrde toqtalıp ótti. Bunday baxıtsız hádiyseler júz bermewi ushın kerekli másláhátlerdi berip ótti.
Atap aytqanda, hawa temperaturası 30–38 dárejeden kem bolmaǵan halda suw háwizlerinde shomılıw usınıs etiliwi, shóllep turǵan waqıtta hám ash qarınǵa, nawqas bolıp jaqında emlegen bolsa, sonday-aq, spirtli ishimlikler qabıl etiw sıyaqlı jaǵdaylarda shomılıw usınıs etilmewi atap ótildi. Student-jaslarǵa qadaǵan etilgen jerlerde shomılmaw ayrıqsha eskertip ótildi. Iláj dawamında qánigeler tárepinen shógip atırǵan insanǵa birinshi járdem kórsetiw boyınsha tiyisli usınıslar berip ótildi. Jıynalǵanlarǵa shógiw menen baylanıslı hádiyseler sebepli hár jılı jaz máwsiminde qansha insan dúnyadan ótiwi haqqında statistikalıq maǵlıwmatlar keltirip ótildi.
— Jaslar arasında kóplegen úgit-násiyat ilájları alıp barılıwına qaramastan kóplegen insanlar jaz máwsiminde mine usı baxıtsız hádiyse qurbanına aylanıp qalıwı ashınarlı jaǵday —deydi — J.Turaev—kópshilik áyne meniń menen bul jaǵday júz bermeydi dep itibarsızlıq penen qaraydı bul bolsa nadurıs juwmaq. Hár dayım dıqqatlı bolıwımız zárúr. Iláj sheńberinde filial direktorı A.Esimbetov xızmetkerler menen ushırasıp, tema boyınsha tiyisli máselelerdi dodaladı. Tiyisli juwapkerlerge suwǵa shógiw jaǵdayınıń aldın alıw boyınsha student-jaslar arasında keń úgit-násiyat jumısların alıp barıw boyınsha tapsırmalar berdi. 
Málimeme xızmeti
