Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qazaqstanlı akademik filial studentleriniń bilimge qumar ekenligin atap ótti
Keshe xabar bergenimizdey, filialǵa Qazaqstannıń «TOP-500»lik reytingine kirgen Shımkent qalasındaǵı Áwezov atındaǵı Qubla Qazaqstan universitetiniń awıl xojalıǵı ilimleri doktori, professor, Qıtay Respublikasınıń Shinjon-Uyǵır avtonomiyasınıń Awıl xojalıǵı ilimleri akademiyasınıń húrmetli professorı, Qazaqstan Respublikası Awıl xojalıǵı ilimleri akademiyasınıń akademigi J.Parjanov ámeliy sapar menen kelgen edi.
Qazaqstanlı akademik filial basshılları menen sóylesiwler alıp barǵannan keyin, «Zooinjeneriya» qánigeliginiń 2-kurs 206-topar studentlerine sabaq ótip basladı. Atap aytqanda «Jılqıshılıq hám túyeshilik» páni boyınsha alıp barılǵan lekciyalar dawamında studentlerge tiyisli temalarda tolıq maǵlıwmatlar inám etiliwi menen birge, qosımsha Qazaqstandaǵı násilli jılqılar hám olardıń qalay baǵılıwı, jılqı sharwashılıǵınıń rawajlanıw basqıshları, násilli atlardı kóbeytiw boyınsha ámelge asırılıp atırǵan jumıslar hám usı jónelis boyınsha Ózbekstan menen nátiyjeli birge islesiw jolǵa qoyılıp kiyatırǵanı tuwralı qızıqlı maǵlıwmatlar berip ótildi.
—Qaraqalpaqstan Respublikasına dáslepki saparımdı áyne usı filialdan basladım, óytkeni bul jerde zooinjeneriya qánigeligi boyınsha básekiles kadrlar bilim almaqta— deydi akademik J.Parjanov —jaslardıń bilim alıwǵa bolǵan intasın, bolajaq kásibine bolǵan mehirin ayrıqsha atap ótiwim múmkin. Filial menen birge islesiwdi jáne de keńeytip, keleshekte xalıqaralıq ilimiy joybarlar hám ilimiy konferenciyalarda birgelikte jumıs alıp barıw, professor-oqıtıwshılar hám studentler almasıwın jolǵa qoyıw sıyaqlı áhmiyetli máselelerdi birgelikte dodaladıq.
Eń tiykarǵısı studentler jańa bilimlerdi ózlestirip, Qazaqstanlı akademik penen pikir almasıw baxıtına miyassar boldı.
Málimleme xızmeti
