SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Jas ixtiologlar» jasalma háwizde balıqlardı jetistiriw boyınsha túsiniklerge iye boldı

«Zooinjeneriya» kafedrasınıń «Jas ixtiologlar» dógeregi aǵzalarına «Jasalma háwizde balıqlardı jetistiriw usılları» temasında oqıw shınıǵıwları alıp barıldı. Dógerek basshısı Z.Dawletova student-jaslarǵa jasalma háwizde intensiv balıqlardı jetistiriw texnologiyası, qanday balıq túrlerin kóbetiw múmkin ekenligi, olardı baǵıw hám azıqlandırıw boyınsha túsiniklerdi berip ótti.

—Filialda zooinjeneriya qánigeliginiń studentleri tárepinen jaratılǵan jasalma háwizdiń átirapında alıp barılǵan sabaq dawamında studentler háwizde baǵılıp atırǵan sazan hám Afrika ılaqası balıqların baǵıw processinde áyne nelerge itibar qaratıw kerek ekeni, olardı durıs azıqlandırıw hám baǵıw usılları haqqında tolıq maǵlıwmatlarǵa iye boldı—deydi dógerek basshısı Z.Dawletova.

Studentler balıqlar ushın jem kórgizbesin shólkemlestirip, azıq túrlerin úyrendi. Sonıń menen birge, studentlerge búgingi kúnde elimizde qaysı aymaqlarda kóbirek balıq jetistirilip atırǵanı, olar ushın azıq jeterli dárejede ekenligi, balıqlardıń kem ushırasatuǵın túrlerin baǵıwda nelerge itibarlı bolıw zárúr ekenligi hám olardı baǵıw, kóbeytiw usılları haqqında qosımsha maǵlıwmatlar berip ótildi. Dógerek aǵzaları úlken qızıǵıwshılıq penen qatnasıp, ózlerin qızıqtırǵan sorawlarǵa juwap aldı.