SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Professor-oqıtıwshılar hám xızmetkerler ushın korrupciya jaǵdaylarınıń aldın alıwǵa qaratılǵan ushırasıw ótkerildi

Usı jıldıń 29-may kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında Professor-oqıtıwshılar hám xızmetkerler qatnasıwında korrupciya jaǵdaylarınıń aldın alıwǵa qaratılǵan ushırasıw ótkerildi.

Filial direktorı A.Esimbetov ilájdı kiris sózi menen ashıp berdi. Ushırasıw dawamında jazǵı semestr imtixanları processleri baslanıp atırǵanı hám usı processke hámme úlken juwapkershilik penen jantasıw alıp barıwı kerek ekeni, imtixanlar dawamında korrupciya jaǵdaylarına jol qoymaw hám  ádalatlı tárizde bolıp ótiwin támiyinlew máselelerine ayrıqsha itibar qaratıldı.
—Men bul máseleni qayta tákirarlawdan sharshamayman, zárúr bolsa hár birińizge jáne óz aldına túsindiremen  —deydi A.Esimbetov. Filialda imtixanlarda, ulıwma aytqanda oqıw processinde de damegóylikke hasla jol qoyılmaydı. Bizlerdiń súren ádalat hám hadallıq tiykarında jańlawı kerek. Studentlerge bul baǵdarda birinshi gezekte ózimiz órnek bolamız.
Sonıń menen birge, xızmetkerler arasında tártip-intizam, jumısshıllardıń óz wazıypasına jáne de juwapkershilik penen jantasıwı, student-jaslardıń bos waqıtların mazmunlı shólkemlestiriw máseleleri de dodalandı. Imtixan processleriniń ádalatlı tárizde ótiwin támiyinlewde dekanat, oqıw-metodikalıq bólimi hám kafedralarǵa tiyisli tapsırmalar berildi. Korrupciyaǵa qarsı gúresiw “komplaens baqlaw” sistemasın basqarıw bólimi bas qánigesi T.Smaylov hám oqıtıwshılar hám xızmetkerler sózge shıǵıp, tema boyınsha óz pikirlerin bildirdi.