SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jas sharwalar tárepinen kórgizbe shólkemlestirildi

Studentlerdiń óz qánigeligi boyınsha bilimlerin jáne de arttırıp barıw, olardı dógerekler iskerligine tartıw, qosımsha bilimlerdi alıwǵa járdem beriw, qızıqlı temalardı birgelikte dodalaw hám sol arqalı olardıń potencialın jáne de rawajlandırıp barıw maqsetinde shólkemlestirilgen dógereklerde jumıslar dawam etpekte.

Mine usınday dógereklerden biri «Zooinjeneriya» kafedrasındaǵı «Jas sharwalar» dógeregi aǵzaları qánigeligine baylanıslı qızıqlı temalar boyınsha bilim hám kónlikpelerge iye bolıp kelmekte. Náwbettegi shınıǵıwlar dawamında 3-kurs 312-topar studentleri qatnasıwında «Qaramallardı jasalma tuqımlandırıw», «Balıqlardı azıqlandırıw» hám «Qoyan baǵıw sırları» temaları boyınsha prezentaciyası tıńlandı. Ilimiy isler hám innovaciyalar boyınsha direktor orınbasarı R.Turganbaev, kafedra baslıǵı X.Mamatov hám kafedra oqıtıwshıları studentlerdiń shıǵıwların baqlap, dodalanǵan tema boyınsha soraw-juwap formasında dawam ettirildi.

Sonıń menen birge iláj dawamında jas sharwalar tárepinen awıl xojalıǵı haywanlarınıń azıqlıq ónimleri kórgizbesi shólkemlestirilip, tolıq maǵlıwmatlar berip ótildi. Usı dógerek student-jaslardıń bilimlerin jáne de bekkemlew menen birge olardıń óz pikirlerin tolıq bayan etiwi hám jetkerip beriw qábiletin de rawajlandırıp baradı.