SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ádebiy-ruwxıy hápteligi sheńberinde «Milliy qádiriyatlar seyili» shólkemlestirildi

Bárshemizge belgili, áyne kúnlerde joqarı oqıw orınlarında ádebiy-ruwxıy hápteligi sheńberinde «Milliy qádiriyatlar seyili» shólkemlestirilmekte. Búgin Nókis qalasındaǵı “Istiqlol” balalar dem alıw orayında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı tárepinen usı háptelik sheńberinde ruwxıylıq ilájı ótkerildi.

Iláj basında Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov hám Respublikalıq balalar kitapxanası direktorınıń orınbasarı Z.Rambergenova qatnasıwshılardı qutlıqlap, ilájdıń áhmiyeti tuwralı sóz júritti. Bunnan soń filial student-jasları hámde Respublikalıq "Bárkamal áwlad" balalar mektebiniń oqıwshıları qatnasıwında kewilashar koncert baǵdarlaması qoyıp berildi. Koncert dawamında qádiriyatlarımızdı ózinde sáwlelendirgen nama hám qosıqlar, qızıqlı shıǵıwlar jıynalǵanlardıń názerine usınıldı. Iláj sheńberinde studentler qatnasıwında ata-babalarımız oynap kelgen qádimgi milliy oyınlarımız oynalıp, ózgeshe zawıq aldı.

Sonıń menen birge milliy buyımlar kórgizbesi shólkemlestirilip, iláj qatnasıwshıları ónermentler tárepinen islengen ájayip nárselerdi tamasha etti. Milliy úrp-ádetlerimizdi hám qádiriyatlarımızdı ózinde sáwlelendirgen usı iláj dawamında qatnasıwshılar milliy libaslarda seyil etti. Bir sóz benen aytqanda haqıyqıy milliy qádiriyatlar seyili atmosferası jaratılıp, jıynalǵanlar usı ájayip máwritlerdi qálbi menen túyine aldı. Ilájdıń juwmaqlawshı bóliminde belsene qatnasqanlar húrmet jarlıǵı menen sıylıqlandı.