SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentler arasında fizikalıq tayarlıq sınaqları ótkerildi

Áyne kúnlerde Joqarı oqıw orınlarınıń student-jasları arasında fizikalıq tayarlıq dárejesi sınaqları ótkerilmekte. Atap aytqanda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da tastıyıqlanǵan grafik tiykarında «Veterinariya hám zooinjeneriya» fakultetiniń student-jasları arasında fizikalıq tayarlıq sınaqları ótkerildi.

Process dawamında studentler belgilengen aralıqqa juwırıw, uzınlıqqa sekiriw, basketbol sebetine top taslaw, arqasın jerge qoyıp jatqan halda gewdeni kóterip túsiriw, jerge tayanǵan halda qollardı búgip jazıw sıyaqlı shınıǵıwlardı bejerdi. —Student-jaslardı dene tárbiya hám ǵalabalıq sportqa keń túrde qamtıp alıw maqsetinde ótkerilgen sınaqlar juwmaǵında qatnasıwshılardıń dárejelerin anıqlap aldıq. Studentler sınaqlar dawamında belsendilik kórsetip, arnawlı sport sınaqların jaqsı ótedi. Usı sıyaqlı sport ilájları jaslardıń sport penen turaqlı shuǵıllanıwı ushın jaqsı motivaciya boladı dep oylayman —deydi «Ekonomika hám gumanitar pánler» kafedrasınıń dene tárbiya oqıtıwshısı Q.Urazbaev.
Student-jaslardıń hám ruwxıy hám fizikalıq jaqtan salamat bolıwı áhmiyetli bolıp tabıladı. Sol sebepli, filialda ruwxıy-aǵartıwshılıq hám sport ilájları tura