Yangi yil munosabati bilan direktor tabrigi
31 дек 2024
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Máripat bólisip» kárwanı filialda
Bárshemizge belgili, áyne kúnlerde «Máripat bólisip» joybarı sheńberinde elimizdegi barlıq joqarı oqıw orınlarda jazıwshı hám shayırlar menen ushırasıwlar ótkerilmekte. Usı jıldıń 1-may kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialına usı joybar sheńberinde Ózbekstan Jazıwshılar awqamı aǵzası, «Doslıq» ordeni iyesi, shayır hám awdarmashı Aziz Said hámde ájayip shıǵarmalar avtorı, shayır Isomiddin Polatov keldi. Dóretiwshiler toparı húrmet penen kútip alındı hám dáslep filial direktorı Adilbay Esimbetov qabıllawında boldı.
Miymanlar menen alıp barılǵan ashıq sáwbetlesiw dawamında veterinariya hám sharwashılıq tarawında bilim alıp atırǵan student-jaslar arasında da ádebiyatqa qızıǵatuǵın qábiletli jaslar bar ekenligi hám olarǵa dóretiwshilik penen shuǵıllanıwı ushın jaratılǵan múmkinshilikler haqqında aytıp ótildi.
Bunnan soń májilisler zalında shayır menen jaslar ushırasıwı bolıp ótti. Iláj basında filial direktorı A.Esimbetov hám Qaraqalpaqstan xalıq jazıwshısı, filologiya ilimleri kandidatı A.Abdievlar sózge shıǵıp, shayırdıń ómiri hám dóretiwshiligi haqqında toqtaldı. — Insan qashan qáliplesedi, qashan kitap oqısa — deydi shayır Aziz Said—muhabbat hám doslıq múnásibetleri de mine usı tárizde oyanadı, yaǵnıy kitap insan qálbindegi pák sezimlerdi tárbiyalaydı hám qáliplestirip baradı. Ápiwayı kitap oqıwǵa mehir beriw arqalı siz átirapıńızǵa máripat bólisiw sıyaqlı iygilikli ámeldi bejeriwge erisesiz. Ushırasıw dawamında shayır student-jaslar menen óziniń dóretiwshiligi hám ómir tájiriybelerin bólisti.
Dóretiwshi studentler sózge shıǵıp ózleriniń qosıq toplamınan ájayip qatarlardı oqıp berdi. Ashıq sáwbetlesiw unamlı tásir qaldırdı. «Máripat bólisip» joybarı sheńberinde ushırasıwlardan jáne biri filialǵa biriktirilgen 34-sanlı ulıwma bilim beriw mektebinde boldı. Shayır Isomiddin Polatov Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, «Veterinariya hám zooinjeneriya» fakulteti dekanı A.Kaniyazov penen birgelikte usı mektepke barıp, oqıwshılar menen sáwbetlesti. Ádebiy iláj dawamında qaharmanımız oqıwshı jaslarǵa óziniń dóretiwshiligin tanıstırdı. Mazmunlı sáwbetlesiwlerden keyin «Jasıl mákan» ulıwma milliy joybarı sheńberinde filialdıń jer maydanına shayır hám jazıwshılar tárepinen iygilikli niyetler menen terek nálleri otırǵızıldı. Dóretiwshiler qolların pátiyaǵa jayıp, egilgen náller jaqsı ónip shıǵıwı, awızbirshiligimiz dawamlı bolıwın niyet qıldı.
«Máripat bólisip» joybarı sheńberinde filialdıń ziyrek hám bilimdan student-jaslarınan dúzilgen komandalar qatnasıwında «Zakovat» intellektuallıq oyını hámde “Munozara” debat oyınları ótkerildi. Atap aytqanda, Zakovat» intellektuallıq oyınında filialǵa kelgen miyman shayırlar dórtiwshiligine tiyisli sorawlar oynaldı. Miymanlar ilájlarda tikelley qatnasıp, studentlerdiń tapqırlıǵı hám ótkir zeyinine gúwa boldı. Jeńimpazlar diplom hám eń qımbat sawǵa —kitap penen sıylıqlandı. Húrmetli miyman shayırlar studentler turaq jayında jasaytuǵın jaslar menen payızlı dasturxan basında ashıq sáwbetlesip, búgingi ádebiyat asxanasındaǵı atmosfera, kitap oqıw temaları boyınsha pikir almasıldı.
Kún dawamında ótkerilgen ilájlardan keyin filial studentler turaq jayında ot jaǵılıp ádebiy gúlxan átirapında ádebiy keshe shólkemlestirildi. Keshe dawamında shayırlar búgingi dóretiwshilerdiń turmısı, olardıń iskerligi haqqında sóz etip, qızıqlı maǵlıwmatlardı keltirip ótti. Zamangóy ózbek ádebiyatı, jas dóretiwshiler haqqında unamlı pikirlerdi bildirip ótti. — Filial atmosferası bizge júdá unadı— deydi Isomiddin Polatov— búgingi «Máripat bólisip» joybarı sheńberinde ótkerilgen ilájlar joqarı dárejede shólkemlestirildi. Studentler arasında dóretiwshilikke hám ádebiyatqa qızıǵıwshılıǵı bálent jaslar kópshilik ekenligi bizdi quwanıshqa bóledi. Biz dóretiwshilik baǵdarında birge islesiwge hám másláhátler beriwge har dayım tayınbız!
Gúlxan átirapında shólkemlestirilgen ádebiy keshe ashıq sáwbetlesiw menen dawam etti. Student-jaslar qaraqalpaq shayırlarınıń qálemine tiyisli qosıqlardı aytıp berdi. Bir sóz benen aytqanda, «Máripat bólisip» joybarı sheńberinde shólkemlestirilgen ushırasıw hám ilájlar student-jaslar umıtılmas tásirlerdi qaldırdı.
«Máripat bólisip» joybarı sheńberinde filialdıń ziyrek hám bilimdan student-jaslarınan dúzilgen komandalar qatnasıwında «Zakovat» intellektuallıq oyını hámde “Munozara” debat oyınları ótkerildi. Atap aytqanda, Zakovat» intellektuallıq oyınında filialǵa kelgen miyman shayırlar dórtiwshiligine tiyisli sorawlar oynaldı. Miymanlar ilájlarda tikelley qatnasıp, studentlerdiń tapqırlıǵı hám ótkir zeyinine gúwa boldı. Jeńimpazlar diplom hám eń qımbat sawǵa —kitap penen sıylıqlandı. Húrmetli miyman shayırlar studentler turaq jayında jasaytuǵın jaslar menen payızlı dasturxan basında ashıq sáwbetlesip, búgingi ádebiyat asxanasındaǵı atmosfera, kitap oqıw temaları boyınsha pikir almasıldı.
Kún dawamında ótkerilgen ilájlardan keyin filial studentler turaq jayında ot jaǵılıp ádebiy gúlxan átirapında ádebiy keshe shólkemlestirildi. Keshe dawamında shayırlar búgingi dóretiwshilerdiń turmısı, olardıń iskerligi haqqında sóz etip, qızıqlı maǵlıwmatlardı keltirip ótti. Zamangóy ózbek ádebiyatı, jas dóretiwshiler haqqında unamlı pikirlerdi bildirip ótti. — Filial atmosferası bizge júdá unadı— deydi Isomiddin Polatov— búgingi «Máripat bólisip» joybarı sheńberinde ótkerilgen ilájlar joqarı dárejede shólkemlestirildi. Studentler arasında dóretiwshilikke hám ádebiyatqa qızıǵıwshılıǵı bálent jaslar kópshilik ekenligi bizdi quwanıshqa bóledi. Biz dóretiwshilik baǵdarında birge islesiwge hám másláhátler beriwge har dayım tayınbız!
Gúlxan átirapında shólkemlestirilgen ádebiy keshe ashıq sáwbetlesiw menen dawam etti. Student-jaslar qaraqalpaq shayırlarınıń qálemine tiyisli qosıqlardı aytıp berdi. Bir sóz benen aytqanda, «Máripat bólisip» joybarı sheńberinde shólkemlestirilgen ushırasıw hám ilájlar student-jaslar umıtılmas tásirlerdi qaldırdı.
Málimleme xızmeti
