SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Qutlı mákán» máhálle turǵınları ushın kórgizbeli seminar shólkemlestirildi

Bárshemizge belgili, búgingi kúnde elimizdegi barlıq máhállerde xalıqtıń tamarqadan maqsetli paydalanıw hámde kóbirek dáramat alıw boyınsha jumıslar sistemalı alıp barılmaqta Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı A.Esimbetov basshılıǵında Qaraózek rayonındaǵı «Qutlı mákán» MPJda usı baǵdardaǵı jumıslar shólkemlestirilmekte.

Atap aytqanda, usı jıldıń 24-aprel kúni «Qutlı mákán» máhálle turǵınları ushın qusshıllıq hám qoyanshılıq tarawların rawajlandırıw, tamarqa jerlerden maqsetli paydalanıw, biogumus islep shıǵarıw boyınsha kórgizbeli seminar shólkemlestirildi. Usı seminarda filial basshılları, Qaraqalpaqstan Respublikası Ministrler Keńesi Baslıǵınıń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı B.Ótemuratov, Qaraózek rayonı hákiminińfinans-ekonomika hám kámbaǵallıqtı qısqartırıw jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı boyınsha orınbasarı I.Qosıbaev, Ózbekstan Respublikası Máhálleler awqamı Qaraózek rayonlıq bólimi baslıǵı R.Daniyarov,sawda-sanaat palatası rayonlıq bólimi baslıǵı T.Eshmuratovlar qatnastı.

Ilájda sózge shıqqanlar, shólkemlestirilip atırǵan usı kórgizbeniń máhálleniń jumıssız puqaraları ushın áhmiyeti haqqında toqtaldı. Seminar dawamında qatnasıwshılarǵa tamarqa jerlerden maqsetli paydalanıw hám usı arqalı sapalı awıl xojalıǵı ónimlerin jetistiriw, bazarlarımızdı tógin-shashınlıq penen támiyinlew, biogumus islep shıǵarıw boyınsha tolıq túsinikler berip ótildi.

Kórgizbede qánigeler tárepinen úy sharayatında qusshıllıq hám qoyanshılıq penen shuǵıllanıw hám jaqsı dáramat alıw boyınsha másláhátler berildi. Filial basshılları tárepinen úy iyelerine 1 m2 biogumus qurtları, 15 dana shóje, 10 dana qoyan hámde pomidor hám ashshı burısh tuqımları berildi. Usı arqalı úy iyeleriniń dáramat alıwları ushın jaqınnan kómek berildi. A.Esimbetov máhálle turǵınları menen sáwbetlesiw alıp barıp,aldaǵı waqıtta biriktirilgen jumısshı toparlar úyme-úy júrip, olar arasında tamarqa jerlerden maqsetli paydalanıw boyınsha úgit-násiyat ilájları alıp barlıwı atap ótildi.