SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Korrupciyanı tek ǵana birgelikte toqtata alamız temasında úgit-násiyat ilájı ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Korrupciyanı tek ǵana birgelikte toqtata alamız» temasında úgit-násiyat ilájı ótkerildi. Usı ilájda Qaraqalpaqstan Respublikası Ádillik ministrliginiń Huqıqıy málimleme boyınsha bas qánigesi N.Berdiniyazova, profilaktika inspektorı Q.Qayipnazarov, korrupciyaǵa qarsı gúresiw “komplaens baqlaw” sistemasın basqarıw bólimi bas qánigesi T.Smaylov, yuriskonsult N.Qannazarova, oqıtıwshılar hám student-jaslar qatnastı.

Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov ilájdı kiris sózi menen ashıp berdi. Ilájda sózge shıqqanlar keyingi jıllarda mámleketimizde korrupciyanıń aldın alıw hám oǵan qarsı gúresiw tarawında alıp barılıp atırǵan keń kólemli jumıslar hám olardıń unamlı nátiyjesi, ámeldegi normativ-huquqıy hújjetlerdiń mánisi hám mazmunı, korrupciya hár qanday jámiyettiń rawajlanıwına tosqınlıq etiwi haqqında toqtaldı.

Iláj dawamında studentlerge korrupciyanıń hár qanday kórinislerine birgelikte qarsı gúres alıp barıwımız, bunı eń aldı menen ózimizden baslawımız zárúr ekenligi, usı másele jáhán kóleminde eń áhmiyetli mashqalalardan bir bolıp sanalıwı hám onı saplastırıw ushın awızbirshilik penen jumıs alıp barıw kerek ekenligi atap ótildi. Student-jaslarǵa barqulla ashıq-aydınlıqtı úgit-násiyatlawǵa, bilimlerdi tereń ózlestirip keleshekte jetik qánige hám ádalattı ilgeri súretuǵın kadr bolıp jetilisiw boyınsha usınıslar berip ótildi. Iláj soraw-juwap formasında dawam etip, jıynalǵanlar ózlerin qızıqtırǵan sorawlarǵa qánigelerden tolıq juwaplardı aldı.