SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentimiz Respublikalıq tańlawınıń Qaraqalpaqstan Respublikası basqıshında jeńimpaz boldı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı veterinariya medicinası qánigeliginiń 4-kurs 401-topar studenti, «Qarekeńshe online» komandasınıń hám ziyrek studentler klubınıń aǵzası Qarlıbaeva Shaxida Quwanıshbay qızı "EcoPost" joybarı menen qatnasıp “Mırza Uluǵbek miyrasxorları” Respublikalıq tańlawınıń Qaraqalpaqstan Respublikası basqıshında jeńimpaz dep tabıldı.

Nókis Jaslar Texnoparkınde ótkerilgen bul tańlawda jámi 80 nen aslam qatnasıwshı óz joybarları menen qatnastı. Tóreshiler aǵzaları hár bir qatnasıwshınıń tańlaw ushın usınǵan jumısları menen jaqqınnan tanısıp, olar arasınan 20 joybardı eń jaqsı dep bahaladı. Jeńimpazlar shólkemlestiriwshiler tárepinen sertifikat penen sıylıqlandı. Tańlawdıń Qaraqalpaqstan Respublikası basqıshı jeńimpazları Respublika basqıshına jollanba aldı.

—Bul tańlawda bıyıl ekinshi márte qatnasıwım—deydi Sh.Qarlıbaeva— Respublika basqıshına jollanba alıp Tashkent qalasında belsene qatnasıp qaytqan edim. Bıyıl óz ústimde izlenip jańa joybar ústinde jumıs alıp bardım hám final basqıshında unamlı nátiyjege erisiwge tırısaman.
«Qarekeńshe online» komandasınıń belsene aǵzası bolǵan Shaxidanı shın kewilden qutlıqlaymız hám keyingi basqıshta áwmetler tileymiz.