SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ullı túrkmen shayırı hám oyshılı Maqtımqulınıń 300 jıllıǵına baǵıshlanadı

Bárshemizge belgili, usı jılda mámleketimizde ullı túrkmen shayırı Maqtımqulı Pıraǵıy tuwılǵan kúniniń 300 jıllıǵın keńnen belgilew rejelestirilgen. Orınlarda usı múnásibet penen túrli ruwxıylıq hám aǵartıwshılıq ilájları shólkemlestirilip kelinbekte. Búgin, yaǵnıy 19-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Ataqlı túrkmen xalqınıń perzenti Maqtımqulınıń ómiri hám dóretiwshiligi» atamasında túrli ruwxıylıq hám aǵartıwshılıq keshesi shólkemlestirildi.

Usı keshede Ózbekstan Jazıwshılar awqamınıń aǵzası, Qaraqalpaqstan Respublikasına miyneti sińgen mádeniyat xızmetkeri, «Shuhrat» medalınıń iyesi A.Ótepbergenov, Berdaq atındaǵı Qaraqalpaq mámleketlik universitetiniń «Túrkmen tili hám ádebiyatı» kafedrasınıń baslıǵı, filologiya ilimleri doktorı, professor O.Gaylieva, usı qánigelikte bilim alıp atırǵan studentler, filial oqıtıwshıları hám studentler qatnastı. Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov ilájdı ashıp berdi hám alıp bardı.

Keshe miymanları sózge shıǵıp, túrkmen xalqınıń ullı perzenti Maqtımqulınıń ómiri hám dóretiwshiligi, onıń qálemine tiyisli qosıqlar túrkiy milletler, usı qatarda ózbek xalqınıń da ruwxıy múlkine aylanǵanlıǵı, gózzal qatarları ózbek tiline awdarmalanıp baspadan shıǵarılǵanlıǵı, ullı dóretiwshiniń esteligine baǵıshlap ádebiy shıǵarmalar, kinofilmler hám spektakller jaratılǵanlıǵı haqqında tolıq aytıp ótti. Jıynalǵanlarǵa Prezidentimizdiń baslaması menen «Maqtımqulı» filmi jaratılıwı rejelestirilgenligi maǵlıwmat ornında aytıp ótildi. Iláj dawamında QMUniń túrkmen tili hám ádebiyatı qánigeliginde bilim alıp atırǵan student-jasları tárepinen Maqtımqulı qosıqlarınıń aytılıwı bárshege unamlı keypiyat bólisti. Student-jaslarǵa ataqlı túrkmen shayırı hám oyshılı Maqtımqulınıń bay dóretiwshiligi haqqında keń túsinikler berildi.