SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Miynet yarmarkasında studentler jumıs penen támiyinlendi

Usı jıldıń 19-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında pitkeriwshi kurs studentleriniń sociallıq sharayatın jaqsılaw hámde bántligin támiyinlew maqsetinde bos jumıs orınları miynet yarmarkası ótkerildi.
Usı ilájda filial basshılları, Qaraqalpaqstan Respublikası veterinariya hám sharwshılıqtı rawajlandırıw komiteti baslıǵınıń orınbasarı Q.Pirnazarov, Qazaqstan milliy agrar izertlew universiteti professorı A.Mavlonov, professor-oqıtıwshılar hámde pitkeriwshi kurs studentleri qatnastı.

Filial direktorı, professor Adilbay Esimbetov ilájdı kiris sózi menen ashıp berdi. Onda sózge shıqqanlar, búgingi kúnde mámleketimizde jaslardıń jarqın keleshegine, olardıń óner úyrenip, jetik bilimli bolıwına, mámleket basshısı dárejesinde itibar qaratılıp, jaslardı jumıs penen támiyinlew baǵdarındaǵı jumıslar keńeyip, imkaniyatlar jaratıp berilip atırǵanlıǵı haqqında atap ótti.

Shólkemlestirilgen yarmarkada 40 tan aslam jumıs beriwshi kárxana hám shólkem wákilleri ózlerindegi bos jumıs orınları menen qatnastı. Iláj dawamında kelgen jumıs beriwshiler pitkeriwshi kurs studentleri menen jaqınnan sáwbetlesti. Alıp barılǵan sáwbet dawamında jumıs beriwshiler hám studentler ortasında 87 miynet shártnaması imzalawǵa erisildi. Maǵlıwmat ornında, usı oqıw jılında 5 bilimlendiriw baǵdarı boyınsha jámi 360 student oqıwdı pitkeredi. Álbette, olardıń hár biri úlken ómirge durıs baǵdarlandırıp, jumıs penen támiyinleniwi boyınsha ǵamxorlıq kórsetilip, bul boyınsha ámeliy jumıslar alıp barılmaqta.

Iláj sheńberinde studentlerge bos jumıs orınlarına jollanbalar berilip, jumıs beriwshiler tárepinen olarǵa tiyisli másláhatler berip ótildi. Aldaǵı waqıtta studentler bántligin támiyinlewge jáne de jaqınnan kómek beriw boyınsha pikirler almasıldı.