SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Student-qızlar ushın «Oylap tabıwshı hayallarǵa jańa imkaniyatlar» temasında seminar ótkerildi

Usı jıldıń 15-aprel kúni Ózbekstan Liberal – demokratiyalıq partiyası Qaraqalpaqstan Respublikalıq Keńesiniń májilisler zalında «Oylap tabıwshı hayallarǵa jańa imkaniyatlar» atamasında seminar shólkemlestirildi. Usı seminarda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Hayal-qızlar máseleleri boyınsha direktor másláhatshisi G.Kazaxbaeva hám student qızlar qatnastı.

Iláj basında Ózbekstan Liberal – demokratiyalıq partiyası Qaraqalpaqstan Respublikalıq Keńesi Jaslar qanatı bólimi baslıǵı K.Xudaybergenova hám Ózbekstan Liberal – demokratiyalıq partiyası Qaraqalpaqstan Respublikalıq Keńesiniń májilisler Hayal-qızlardıń siyasıy belsendligi jámiyettegi ornı hám abıroyın asırıw bólim baslıǵı G.Xojanovalar sózge shıǵıp, mámleketimizde túrli tarawlarda jetiskenliklerge erisip atırǵan hayallar, ásirese, Hayal-qızlardıń ilim pán menen shuǵıllanıwı ushın jaratıp berilip atırǵan keń imkaniyatlar haqqında toqtaldı. Ol óz sózinde jaslarǵa biznes tarawı boyınsha tabıslarǵa erisiw ushın inám etilip atırǵan imkaniyatlar, «Jaslar orayı» imaratında shólkemlestirilgen «Biznes klub»ta jańa joybarlar hám kreativ ideyalardı ámelge asırıw ushın qolay sharayatlar bar ekeni hámde usı imkaniyatlardan únemli paydalanıw boyınsha másláhátlerin berip ótti.

Iláj dawamında «Jaslar keleshegimiz» fondınıń Qaraqalpaqstan Respublikası filialınıń bas qánigesi N.Ótemuratova sózge shıǵıp, búgingi kúnde elimizde oylap tabıwshı hayallar sanın jáne de asırıw hám olardı hár tárepleme qollap-quwatlaw arqalı unamlı nátiyjelerge erisiw, xalıqaralıq dárejelerge alıp shıǵıw boyınsha ámelge asırılıp atırǵan is-ilájlar haqqında sóz etti. Student-qızlar seminar dawamında kerekli maǵlıwmatlarǵa iye boldı.