SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Zooinjeneriya» kafedrasınıń oqıtıwshısı Qazaqstanda tájiriybe arttırmaqta

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı “QS World University Rankings” 500 ligine kiretuǵın Qazaqstan milliy agrar izertlew universiteti menen birge islesiwdi jaqsı jolǵa qoyıp kelmekte.

Atap aytqanda, usı universitet penen dúzilgen eki tárepleme shártnama tiykarında oqıtıwshılar almasıw jolı menen filialdıń oqıtıwshıları Qazaqstanǵa barıp tájiriybe hám kónlikpelerin arttırıp kelmekte. Áyne kúnlerde «Zooinjeneriya» kafedrasınıń úlken oqıtıwshısı Z.Dawletova Qazaqstan milliy agrar izertlew universitetinde bolıp, náwbettegi tájiriybe asırıwda qatnasıp atır. Oqıtıwshımız saparınıń dáslepki kúnlerinde universitet iskerligi menen jaqınnan tanısıp, studentler ushın jaratılǵan abzallıqlar hám oqıw processin úyrendi.

—Qazaqstan milliy agrar izertlew universiteti menen doslıq múnásibetlerin bunnan bılayda bekkemlep atırmız—deydi Z.Dawletova—meniń bul jerge birinshi ámeliy saparım unamlı tásirlerge bay tárizde bolıp ótpekte. Bul jerde Qazaqstan tájiriybelerin úyreniw menen birge, studentler menen jaqınnan sáwbetlesip, olarǵa Qaraqalpaqstandaǵı balıqshılıq tarmaǵı boyınsha maǵlıwmatlardı bólisip atırman.
Filialımız oqıtıwshısı Z.Dawletova universitet studentlerine «Balıqlardıń sırtqı hám ishki dúzilisi» temasında master-klass ótti. 1 ay dawamında yaǵnıy, usı jıldıń 1-may sánesine shekem Z.Dawletova sherik Qazaqstan milliy agrar izertlew universitetinde tájiriybe arttırıp, student-jaslarǵa lekciyalar ótiwi rejelestirilmekte.