SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Kekse áwlad wákilleri studentler menen ómirlik tájiriybelerin bólisti

Usı jıldıń 9 aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında student-jaslar qatnasıwında «Jas watansúyiwshilerdi tárbiyalaw- veteranlardıń parızı» atamasında ushırasıw ótkerildi.

Usı ushırasıwda Ózbekstan «VETERAN» jawınger-veteranlar hám mayıplar birlespesi Qaraqalpaqstan Respublikası bólimi baslıǵı A.Bekmuratov, napaqadaǵı áskeriy xızmetker, mayor U.Allayarov, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, Jaslar menen islesiw boyınsha dekan orınbasarı E.Seytmuratovlar sózge shıǵıp, búgingi kúnde mámleketimizde xalqımızdıń páráwan turmısı, tınıshlıǵı, baxtın oylap ámelge asırılıp atırǵan ózgerisler, alıp barılıp atırǵan reformalardıń túp-tiykarında tınıshlıq degen ullı inám jatırǵanın, Húrmetli Prezidentimizdiń baslaması menen «Insan qádiri ushın!» súreni tiykarında alıp barılıp atırǵan iygilikli jumıslar, Qurallı Kúshlerimizdiń bizlerdiń búgingi tınısh turmısımızdıń bekkem kepili sıpatında xızmet qılıp atırǵanlıǵı haqqında toqtalıp ótti.

Kelgen miymanlar student-jaslarǵa ózleriniń alıp barǵan iskerligi haqqında tolıq aytıp berip, watandı qorǵaw hár birimiz ushın muqaddes parız bolıp tabılıwı, usı muqaddes insanıylıq parızımızdı ótew jolında iygilikli jumıslardı ámelge asırıw zárúr ekenligin ayrıqsha atap ótti. Student-jaslarǵa bizge inám etilgen páráwan turmıs ushın minnetdar bolıwımız hám tınısh turmısımız ushın shúkirshilik etiwimiz másláhát etip ótildi. napaqadaǵı mayor U.Allayarov studentl-jaslar menen ómirlik tájiriybelerin bólisti.