«Jańa oyanıw dáwiri–kitap hám kitapxanadan baslanadı

Bárshemizge belgili, keyingi jıllarda jaslar arasında kitap oqıw hám kitapqumarlıq mádeniyatın rawajlandırıwǵa ayrıqsha itibar qaratılıp, bul boyınsha iygilikli jumıslar ámelge asırılıp kelinbekte.Óytkeni, ádebiy kitaplardı oqıw olardıń intellektuallıq dárejesin jáne de joqarılatıwǵa xızmet qıladı. 

Usı jıldıń 3-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń Málimleme-resurs orayı bólimi tárepinen «Jańa oyanıw dáwiri–kitap hám kitapxanadan baslanadı» súreni tiykarında kitap yarmarkası ótkerildi. Iláj basında kitapxanashı R.Bekmuratova hám tyutor J.Mambetniyazovlar tárepinen kitaptıń insan ómirindegi hám jámiyet rawajlanıwındaǵı ornı áhmiyetli ekenligi ayrıqsha atap ótildi. 

Yarmarka sheńberinde studentler «Kitap dún'yası» kitap dúkánına barıp, ádebiy shıǵarmalar menen jaqınnan tanıstı. Usı yarmarka filialdaǵı student-jaslardıń mánáwiyatın jáne jetilistiriw, olardıń kitap oqıwǵa bolǵan qızıǵıwshılıǵın arttırıp barıw, bul arqalı bolsa olardıń qálbinde watanǵa muhabbat hám sadıqlıq sezimlerin bekkemlew maqsetinde shólkemlestirildi.   – Kitap penen dos bolǵan insan ómir jolında hesh qashan súrnikpeydi– deydi Málimleme-resurs orayı bólimi kitapxanashısı R.Bekmuratova–Kitap oqıwǵa jaqın adam bilimli, joqarı mánáwiyatlı shaxs sıpatında úlken maqsetlerge umtıladı hám unamlı nátiyjelerge erisedi. Bizler studentlerge mine usı iygilikli ideyalardı sińidiriwge háreket qılamız, búgingi iláj da usı maqsette shólkemlestirildi. Iláj dawamında studentlerdiń kitap oqıwǵa bolǵan qızıǵıwshılıǵı jáne arttı desek asıra aytqan bolmaymız.