SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Adam sawdasına qarsı gúresiw búginniń áhmiyetli máselesi

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar ushın qánigeler qatnasıwında adam sawdasına qarsı gúresiw hám onıń aldın alıw boyınsha úgit-násiyat iljı ótkerildi. Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov óz kiris sózinde, jigirma birinshi ásirdiń global mashqalasına aylanǵan adam sawdasına qarsı xalıqaralıq kólemde alıp barılıp atırǵan gúres haqqında toqtaldı.

Iláj dawamında adam sawdasına qarsı gúresiw boyınsha Respublikalıq «Istiqbolli avlod» mámleketlik emes kommerciyalıq emes shólkeminiń yuristi A.Qudaybergenov hám qánigesi M.Boranbaevlar sózge shıǵıp, adam sawdasına qarsı gúresiw máselesi boyınsha ámeldegi nızamshılıǵımızdaǵı huqıqıy-hújjetler hám olardıń mánis-mazmunı, bul illettiń aqıbetinde hár jılı dúnya boylap jábir kórip atırǵanlardıń ayanıshlı táǵdiri, jerleslerimizdi aldaw jolı menen sırt elge satıp jiberiw jaǵdaylarına qarsı unamlı jumıslar alıp barılıp atırǵanlıǵı boyınsha maǵlıwmatlardı berip ótti.

Usı másele boyınsha kóplegen úgit-násiyat ilájları alıp barılıwına qaramay, adamlar elege shekem aldanıp atırǵanlıǵı ayanıshlı jaǵday ekeni, bul boyınsha puqaralardıń huqıqıy sawatlılıǵın jáne de asırıp barıw áhmiyetli ekenligi ayrıqsha atap ótildi. Iláj qatnasıwshılarına adam sawdası jınayatınan jábir kórip atırǵanlardıń neshe payızın hayallar hám balalar quraytuǵınlıǵı, hár jılı shama menen qansha adam bul sawdanıń qurbanına aylanıp atırǵanı boyınsha statistikalıq maǵlıwmatlar berildi. Student-jaslarǵa barlıq waqıtta sergek bolıw, óz haq-huqıqların durıs ańlaǵan halda huqıqıy bilimlerin jáne de arttırıp barıw usınıs etildi. Iláj juwmaǵında qatnasıwshılarǵa tarqatpa materiallar, bukletler berildi. Studentler tolıq túsiniklerge iye boldı.