SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerge AIJSqa qarsı gúresiw orayı shıpakerleri tárepinen túsinikler berildi

Usı jıldıń 2-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında AIJSqa qarsı gúresiw hám onıń aldın alıw boyınsha úgit-násiyat ilájı bolıp ótti.

Usı ilájda Qaraqalpaqstan Respublikası AIJSqa qarsı gúresiw orayınıń shıpaker-metodisti A.Djanibekova hám shıpaker járdemshisi D.Dalieva, tyutorlar hám student-jaslar qatnastı. Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov ilájdı kiris sózi menen ashıp berdi.

Iláj dawamında sózge shıqqanlar AIJS hám AIJV infekciyasınıń aldın alıw, xalıqtıń, ásirese jaslardıń sanitariya-gigienalıq mádeniyatın jáne de jetilistiriw hám olardı basqa da túrli jaman illetlerdiń tásirinen asıraw, AIJSqa shatılmaw ushın qanday ápiwayı qaǵıydalarǵa ámel qılıw kerek ekenligi haqqında toqtaldı. Jıynalǵanlarǵa qánigeler tárepinen arttırılǵan immunitet jetispewshiligi sindromında virus organizmde qanday kóbeyiwi, qan aylanıw sistemasına túsken virus kletkalarǵa qalay hújim etiwi processi, basqıshları, diagnostika hám emlew, AIJV profilaktikası haqqında zárúr maǵlıwmatlar berildi.Student-jaslarǵa turmıslıq mısallar keltirilip, tolıq túsinikler berildi. Iláj soraw-juwap formasında dawam etip, qatnasıwshılar ózlerin qızıqtırǵan sorawlarǵa juwap aldı.