SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Ózbekstan – ulıwma úyimiz» atamasında ruwxıy-aǵartıwshılıq ilájı ótkerildi

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Ózbekstan – ulıwma úyimiz» atamasında ruwxıy-aǵartıwshılıq ilájı ótkerildi. Iláj basında milliy qol-óneri úlgileri kórgizbesi shólkemlestirilip, kelgen miymanlar tamashaladı. Usı ilájda Din isleri boyınsha komitettiń Qaraqalpaqstan Respublikası aymaqlıq basqarmasınıń bas qánigesi X.Nezamatov,«Nuranıy» qorınıń baslıǵı K.Qalenderov, nuranıy ustaz B.Sultanov,«Paytaxt» gazetasınıń bas redaktorı X.Berdibayev, Respublikalıq Ruwxıylıq hám aǵartıwshılıq orayı, Nókis qalalıq bólimi baslıǵı Q.Nuratdinovlar sózge shıǵıp, búgingi kúnde Prezidentimizdiń baslaması menen ámelge asırılıp atırǵan iygilikli háreketler nátiyjesinde elimizde130 dan artıq millet wákilleri, sonday-aq 16 diniykonfessiya wákilleri awızbirshilikte jasap kiyatırǵanlıǵı, túrli millettiń ózine tán úrp-ádetleri hám milliy dástúrlerin húrmet qılıw hám rawajlanıdırıwǵa baǵdarlanǵan is-háreketler hám olardıń unamlı nátiyjeleri haqqında aytıp ótti.

Iláj dawamında mámleketimizde milletler aralıq hám diniy keń peyillik tarawında iygilikli maqsetler hám ideyalar ilgeri súrilip, bul baǵdarda unamlı jumıslar ámelge asırılıp kiyatırǵanlıǵı ayrıqsha atap ótildi. Keńpeyillik sózi júdá úlken mánis-mazmunǵa iye. Usı iygilikli pazıylet millettiń ruwxıy dárejesin jáne de joqarılatıwǵa xızmet qıladı. Tınıshlıq hám tatıwlıq insanǵa berilgen eń ullı inám esaplanadı. Eń ullı maqsetlerimizge bolsa páráwan turmısımız arqalı erisemiz. Túrli millet wákilleriniń bir shańaraqtıń perzentindey bolıp jasap, awızbirishilikte iygilikli maqsetlerge qaray umtılıwı hár qanday insan qálbine úlken quwanısh bólisedi. Filialda «Ózbekstan – ulıwma úyimiz» atamasında ótkerilgen iláj dawamında usılar haqqında sóz etildi. Iláj dawamında milletler aralıq tatıwlıq hám keń peyillik ideyaları keń úgit-násiyat etildi. Studentler tárepinen qoyıp berilgen koncert baǵdarlamasında túrli millet wákilleriniń ayaq oyın hám qosıqları atqarıldı.