Ijara xonadonlarida istiqomat qilayotgan talabalar holidan xabar olindi
24 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Abadanlastırıw hám kókelemzarlastırıw jumısları shólkemleskenlik penen alıp barılmaqta
Kózdi ashıp jumǵansha Ana diyarımızǵa hámmemiz saǵınıp kútken báhár pasılı gózzallıǵı menen kirip keldi. Endi tábiyat oyanıp, átirap jasılǵa dónip baslaydı. Elimiz máhállelerinde bolsa aymaqlardı abadanlastırıw jumısları baslanadı. Usı jıldıń 2-mart kúni Ózbekstan Máhálleler birlespesi Qaraqalpaqstan Respublikası basqarmasınıń baslaması menen respublikamız boylap abadanlastırıw hám kókelemzarlastırıw ilájları alıp barılmaqta.
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı jámááti de filial aymaǵında abadanlastırıw jumısların alıp barmaqta.
Ózleri miynet etip atırǵan aymaq átirapın tazalaw, tereklerdi aqlaw, qorshaǵan-ortalıqtı shıǵındılardan tazalaw jumısları shólkemleskenlik penen alıp barılmaqta. –Búgingi Abadanlastırıw hám kókelemzarlastırıw ilájında filial jámááti belsene qatnaspaqta – deydi “Zooinjeneriya” kafedrası baslıǵı X.Mamatov– bizler de kafedra oqıtıwshıları menen awızbirshilikte ǵayrat penen abadanlastırıw jumıslarına óz úlesimizdi qosıp atırmız. Álbette, usınday shembilikler bizlerdi milliy qádiriyatlarımızdı jáne de ulıǵlawǵa shaqıradı.
Sonıń menen birge bir topar kewilli student-jaslar «Gúlzar» MPJ aymaǵında jasap atırǵan nágiran, jalǵız baslı kekselerdiń úyi átirapında tazalaw jumısların alıp barmaqta. Mine usınday iygilikli jumıslar negizinde máhállelerdi jáne de abat etiw hám xalqımızdıń keypiyatın kóteriw, mehir-miriwbet hám shúkirshilik sezimlerin bekkemlew sıyaqlı iygilikli maqset jatadı. Abadanlastırıw hám kókelemzarlastırıw jumısları shólkemleskenlik penen alıp barılmaqta.
Málimleme xızmeti
