SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Direktor studentler menen ashıq sáwbetlesiw alıp bardı

Búgingi kúnde jaslardıń qızıǵıwshılıǵı hám mashqalaların úyreniw, olarǵa unamlı sheshim tabıw, jaslar menen sáwbetlesiwler alıp barıw áhmiyetli bolıp sanaladı. Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı Adilbay Esimbetov filialda bilim alıp atırǵan student-jaslar menen ashıq sáwbetlesiw alıp bardı. Sáwbetlesiw dawamında oqıw processi, birinshi semestrdiń juwmaqları boyınsha, jataqxana, ilimiy iskerlik, student-jaslardıń umtılıwları sıyaqlı temalarda sóz júritildi. Filial direktorı studentlerge oqıw processinde júzege keliwi múmkin bolǵan mashqala hám qıyınshılıqlar hámde olarǵa qanday unamlı sheshim tabıw zárúr ekenligi boyınsha aytıp berdi.
— Men de sizler sıyaqlı student bolǵanman. Biraq, ol dáwirler menen búgingi kúndi salıstırıp bolmaydı. Sizlerge qarap júdá háwesim keledi, jaratıp berilip atırǵan sonsha imkaniyatlardı kórip jáne student bolıp qalsam deymen. Sizlerden talap etiletuǵın bir ǵana nárse–usı imkaniyatlardan utımlı paydalanıw. Oqıń, izleniń, háreketten toqtamań! Jarqın keleshegińizdi ózińiz qurıń. Men bunıń ushın sizlerge qolımnan kelgenshe sharayatlardı jaratıp beremen— dedi A.Esimbetov.
Alıp barılǵan ashıq sáwbetlesiw dawamında direktor student-jaslar menen óziniń ómir tájiriybelerin bólisti. Olardıń pikir hám usınısların tıńlandı. Sáwbetlesiw dawamında bilimlendiriw sapasın jáne de jaqsılaw ushın ámelge asırılıp atırǵan jumıslar, studentlerdiń qızıǵıwshılıǵınan kelip shıqqan halda dógerekler shólkemlestiriw, jaslardıń mashqalaların úyrenip olarǵa unamlı shsheim tabıw hár qashanǵıdan da áhmiyetli ekenligi atap ótildi.