SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial student-qızları hám máhálle jasları sport jarıslarında bellesti

Usı jıldıń 23-fevral kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Hayal-qızlar máseleleri boyınsha direktor másláhátshisi G.Kazaxbaevanıń baslaması menen student-qızlar arasında «Sport náziklik-salamatlıq deregi» súreni tiykarında sport jarısları shólkemlestirildi.

Usı jarısta filialda bilim alıp atırǵan student-qızlar, filial janındaǵı Nókis veterinariya texnikumınıń oqıwshıları hámde «Gúlzar» máhállesiniń jámlespegen jaslarınan dúzilgen jámi 6 komanda qatnastı. Student-jaslar arasında salamat turmıs tárizin keń úgit-násiyatlaw, sporttı bunnan bılayda ǵalabalastırıw hámde jaslardıń bos waqıtların mazmunlı hám maqsetli shólkemlestiriw maqsetinde ótkerilgen jarısta qatnasıwshılar jámi 6 shárt boyınsha bellesti.

Iláj basında Hayal-qızlar máseleleri boyınsha direktor másláhátshisi G.Kazaxbaeva hám Jaslar menen islesiw boyınsha dekan orınbasarı E.Seytmuratovlar sózge shıǵıp shólkemlestirilip atırǵan jarıstıń áhmiyetine toqtaldı hám barlıq qatnasıwshılarǵa áwmetler tiledi. Qızıqlı shártlerdi óz ishine alǵan jarıs pozitiv keypiyatta ótkerildi. Qatnasıwshılar awızbirshilikte ózleriniń bar sheberligin kórsetiwge háreket qıldı. Juwmaqlawshı nátiyjelerge kóre, filialdıń 1-kurs student-jaslarınan dúzilgen «Shaqqanlar» komandası 1-orındı iyelep, jeńimpazlıqtı qolǵa kirgizdi. 3-kurs studentleriniń «Olimpiya» komandası bolsa 2-orındı, «Gúlzar» máhállesiniń jasları 3-orındı iyeledi. Jeńimpaz bolǵan komandalar shólkemlestiriwshiler tárepinen estelik sawǵası hám diplom menen sıylıqlandı.

«Veterinariya hám zooinjeneriya»fakulteti dekanı A.Kaniyazovjeńimpazlardı qutlıqlap sawǵalardı tapsırdı. Usınday jarıslar jaslar arasında sport tarawınıń jáne de rawajlanıwına xızmet qıladı.