SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Biz keleshek jas liderleri ekopartiyanı tańlaymız»

Bárshemizge belgili, házirgi kúnde derlik pútkil dúnya dus kelip atırǵan tiykarǵı mashqalalardan biri ekologiyalıq mashqalalar bolıp esaplanadı. Sol sebepli qorshaǵan ortalıq tazalıǵın saqlaw, ekologiyamız pataslanıwınıń aldın alıw júdá áhmiyetli temaǵa aylanbaqta. Ózbekstan ekologiyalıq partiyası bul boyınsha áhmiyetli baslamalardı ilgeri súrip kelmekte. Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 2024-jıl- Jaslar hám biznesti qollap-quwatlaw jılı múnásibeti menen usı partiya tárepinen úgit-násiyat jumısı shólkemlestirildi.

«Jańa áwlad kadrları» joybarı sheńberinde «Biz keleshek jas liderleri ekopartiyanı tańlaymız» temasında ótkerilgen usı ilájda filial direktorı A.Esimbetov, Ózbekstan ekologiyalıq partiyası Qaraqalpaqstan Respublikası partiya Keńesi Atqarıw komiteti baslıǵı A.Begimova, Ózbekstan Respublikası Oliy Majlisi Senatınıń Aralboyı regionın rawajlandırıw máseleleri hám ekologiya komiteti baslıǵınıń orınbasarı B.Matmuratov, Ózbekstan Respublikası Oliy Majlisi Nızamshılıq palatası janındaǵı Jaslar parlamenti aǵzası B.Jienbaevlar sózge shıǵıp, búgingi kúnde ekologiyalıq mashqalalardı saplastırıw hám qorshaǵan ortalıqtıń pataslanıwı, hawanıń buzılıwı sıyaqlı unamsız aqıbetlerdiń aldın alıw boyınsha ámelge asırılıp atırǵan jumıslar haqqında toqtaldı. Ilájda jaslarǵa Ózbekstan ekologiyalıq partiyasınıń gózlegen iygilikli maqseti hámde wazıypaları neden ibarat ekenligi, partiyanıń búgingi iskerligi haqqında maǵlıwmatlar berildi.Iláj qatnasıwshıları ekologiya turaqlılıǵın támiyinlew, xalıq arasında salamat turmıs tárizin keń en jaydırıw, dún'yadaǵı ekologiyalıq jaǵday boyınsha olardıń xabardarlıǵın asırıw áhmiyetli ekenligi boyınsha túsiniklerge iye boldı.