SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Direktor oqıtıwshılar hám xızmetkerler menen sáwbetlesti

Búgin filial direktorı A.Esimbetov professor-oqıtıwshılar hám xızmetkerler menen ushırasıp, sáwbetlesiw alıp bardı. Sóylesiwler dawamında ishki tártip qaǵıyda hám intizam, oqıw processi, zamanagóy málimleme texnologiyaların bunnan bılayda engizip barıw, bilimlendiriw sapasın jáne de arttırıw hámde korrupciyaǵa jol qoymaw sıyaqlı máselelerge toqtalıp ótildi. Áyne kúnlerde alıp barılıp atırǵan imtixan processleriniń qalıs tárizde ótkerilip atırǵanlıǵı ayrıqsha atap ótildi.
—Bizler san emes, sapa áhmiyetli súreni tiykarında jumıs alıp barıwımız zárúr. Sizlerden tek ǵana unamlı nátiyjelerdi kútemen. Studenttiń jetik bilim alıwın birinshi gezekte sizler támiyinleysizler, sonı yadıńızdan shıǵarmań! Oqıw yamasa imtixan processi bolsın dámegóyshilikke hasla imkan bermeymiz.Studentlerge jaqsı mámile hám hadallıq penen órnek bola alsaq, olar da keleshekte óz kásibine hújdan menen kirisedi, korrupciyaǵa jol qoymaydı —dedi direktor A.Esimbetov.
Alıp barılǵan sáwbetlesiw dawamında kún tártibindegi tiykarǵı máseleler dodalandı. Professor-oqıtıwshılar da sózge shıǵıp, óz pikir hám usınısların bildirdi. Direktor tárepinen oqıtıwshılar hám xızmetkerlerge tiyisli jónelisler boyınsha anıq tapsırmalar berildi.