Yangi yutuqlar va yangi umidlarga qadam – kafedrada yangi yil kechasi
24 дек 2024
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
"Profilaktika kúni" sheńberinde studentler arasında úgit-násiyat ilájları alıp barıldı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Profilaktika kúni" sheńberinde student-jaslarǵa hár qanday huqıqbuzarlıqlar hám jınayatlardıń aldın alıw,korrupciyaǵa qarsı gúresiw boyınsha keń túsinikler beriw maqsetinde úgit-násiyat ilájı ótkerildi.
Usı ilájda Nókis qalası ishki isler organları xızmetin muwapıqlastırıw basqarması JKX XPB HQMB úlken inspektorı, podpolkovnik A.Namenova, profilaktika inspektorı, aǵa leytenant Q.Qaypnazarov, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, Hayal-qızlar máseleleri boyınsha direktor másláhatshisi G.Kazaxbaeva, korrupciyaǵa qarsı gúresiw «komplaens-qadaǵalaw» sistemasın basqarıw bólimi bas qánigesi Sh.Samandarov hám student-jaslar qatnastı.
Ilájda sózge shıqqanlar, búgingi kúnde jınayat islegen shaxslardıń derlik kópshiligi jaslar ekenligi ayanıshlı jaǵday ekeni hám bunıń aldın alıw boyınsha ámelge asırılıp atırǵan jumıslar, oqıw hám imtixan processlerinde korrupciya jaǵdaylarına jol qoyılmaytuǵınlıǵı boyınsha toqtaldı. A.Namenova «Hayal-qızlarǵa shılqımlıq etiw» aqıbetleri teması boyınsha túsiniklerdi berdi. Sonday-aq, ol óz sózinde 2023-jıl dawamında Hayal-qızlar tárepinen islengen hám dizimge alınǵan jınayatlardıń sanı hám qorǵanıworderleriniń sanı boyınsha statistikalıq maǵlıwmatlardı berip ótti. Studentler kóterilgen temalar boyınsha keń túsiniklerge iye boldı.
Málimleme xızmeti
